Коронавирус • 08 Маусым, 2020

Көліктен шықпай тест тапсыруға бола ма?

145 рет
көрсетілді
3 мин
оқу үшін

Елордалықтар көліктен шықпай-ақ коронавирусқа тесттен өте алады. Тест алуға 3-5 минут уақыт кетеді. Бұл тура­лы Нұр-Сұлтан қаласы әкімдігінің ресми сайты хабарлады. Елордада коронавирус инфекциясын анықтау үшін мобильді скрининг диагностикасы пайда болды. Зертхана №2 Қалалық көпбейінді аурухана базасында іске қосылды. Скрининг орталығының ашылу салтанатына қала әкімінің орынбасары Бақтияр Мәкен мен қалалық денсаулық сақтау басқармасының басшысы Сәуле Қисықова қатысты.

Көліктен шықпай тест тапсыруға бола ма?

«Мақсат – қаланың барлық азаматтарын тексеріп, инфекция жұқтырмағанына көз жеткізу. Сонымен қатар күн сайын 6 зертханада 4 500 талдау жасалады. Жалпы, қалада материал жинаумен айналысатын мемлекеттік және жеке зертханалар бар. Орталық та ыңғайлы орналасқан. Аза­маттар әуежайға келгеннен кейін тест тапсыра алады. Ав­­токөліктерге арналған тұ­рақтар жеткілікті», деді Бақ­тияр Мәкен.

Қала әкімі орынбасарының айтуынша, болашақта жоба қаланың басқа да бөліктерінде ашылуы мүмкін.

Мобильді орталық күніне 100-ден астам тест алуға қа­бі­летті. Процедура тек 3-5 минут алады. Сондай-ақ мамандар атап өткендей, бұл әдіс барлық автокөлік үшін ыңғайлы және ешқандай ке­зекті қажет етпейді. Тест құ­ны – 10 мың теңге.

1

Тест тапсырушы эпи­де­­мия­лық факторлар мен симп­томдарға қатысты жеке ақпа­раттар көрсетілген сауал­нама толтырады. Кабинада дене тем­пературасы жанасусыз термометр көмегімен өл­шенеді. Нәтиже 6 сағат ішінде белгілі болады. Тест тапсырушы өз нәтижесін электронды пош­та немесе Whatsapp нөмірі ар­қылы ала алады.

Тест тапсырушы COVID-19-ға күдікті болған жағ­дай­да мамандандырылған ауруха­наға ауыстырылады.

Мобильді скрининг орта­лығы 08.00-ден 20.00-ге дейін демалыссыз жұ­мыс істейді. Ол «MEGA Silk way» сауда орталығы аума­ғында, яғни №2 аурухана мен «MEGA Silk way» сауда орталығы ара­сында орналасқан.

Сарапшылардың пікірін­ше, Нұр-Сұлтан қаласында осындай пункттің ашылуы тұр­­ғындар арасында аурудың жасырын ошақтарын анықтап, асқынулардың алдын алу үшін уақтылы санитарлық-эпи­демиялық және алдын-алу шараларын жүргізуге мүмкіндік береді.

Естеріңізге сала кетейік, ел­ордада коронавирусқа жедел және жоғары дәлдіктегі ПТР-скрининг жүргізу үшін бірінші модульдік зертханалық кешен іске қо­сыл­­ды. Болат Өтемұратов қоры Денсаулық сақтау ми­нис­т­рлігі мен Нұр-Сұлтан қа­ласы әкімдігіне ғы­­лыми-зерттеу процесін ав­то­маттандыратын бірегей зертхананы сыйға тартты.

Зертханада мынадай са­­наттағы тұлғалар үшін те­­гін скрининг жүргізеді: жұ­мыс­сыздар, аз қамтылған жә­­не көпбалалы отбасылар, мү­гедектігі бар адамдар, ста­цио­нарға жоспарлы емдеуге жатқызылатын пациенттер, тыныс алу органдары, эн­докриндік және жүрек-қан­тамыр жүйелері ауруларымен динамикалық бақылауда тұр­ған 50 жастан асқан пациент­тер; эпидемияға қарсы іс-ша­раларға тартылған арнайы контингент – волонтер­лер мен белсенділер, патрульдер; қарттар үйлеріндегі, ин­­­тернаттық және өзге де ма­мандандырылған мекеме­лер­дегі азаматтар; мектепке де­йінгі мекемелердің қызмет­керлері.