Облыс орталығында «Жастар таза Түркістан үшін!» тақырыбында өткен аймақтық алғашқы плоггинг марафонына қатысушылар алдымен қаладағы «Жеңіс» саябағына жиналып, аталмыш марафонның тәртібімен танысты.
Белсенді жастар топтарға бөлініп, өздеріне тиесілі аумақтарды жүгіріп өту арқылы қоқыс жинаудан жарысқа қатысты. Плоггинг – қашанда қоршаған ортаны қорғау үдерістерімен байланыста болу дегенді білдіреді, яғни әлемдік тәжірибеде жастар арасында танымал шара.
Биыл өңірде алғаш рет өткен плоггинг марафонына қаладан 40-қа жуық ерікті мен жастар қатысты. Бір сағатта «Жеңіс» саябағынан салмағы 300 келіден 4 қап қоқыс жиналды. Облыстық жастар орталығының басшысы А. Өміртайдың мәлімдеуінше, марафон тұрақты түрде ұйымдастырылып, облыс көлемінде жалғасын табатын болады.
Түркістан облысы
