Қытайдың солтүстігінде аралардың шабуылынан 40-тан аса адам қаза тауып, 1600-ге жуығы жарақат алды. Тағы 37 адам хәл үстінде жатыр. Бұл туралы «Синьхуа» агенттігі хабарлады.
Улы жәндіктің бұл түрі қарапайым арадан өзгешелеу. Оның түсі қара және көлемі ірілеу келеді. Араның ұзындығы 5 сантиметр, ал инесі 6 миллиметрге жетеді.
Зардап шеккендердің денелерінде оқ тиген сияқты терең із қалған.
Әзірге өрт сөндіру қызметкерлері қауіпті аралардың ұяларын тауып, олардың көздерін құртуда.
Айдар Өрісбаев.