Қоғам • 11 Маусым, 2020

Түрленген Түрксіб

31 рет көрсетілді

Кезінде орталық аудандарды Қазақстанның жаңа, мүлде аяқ баспаған, қазыналы өлкелерімен байланыстырған Түркістан – Сібір темір жолы Кеңес Одағы аумағындағы аса ірі құрылыс санатында еді. Сібір магистралінің 90 жылдығына орай «ҚТЖ» ҰК» АҚ «Түрксіб: өткені мен бүгіні» тақырыбында фотобайқау жариялап отыр.

Аталған байқаудың бас­ты мақсаты – фототуындылар арқылы Қазақстан темір жолының даңқты тарихы мен дамуын көрсету. Сонымен қатар темір жолдағы дәстүрлер мен сабақтастықты нығайтуға, жас теміржолшыларды тарихи естеліктерді сақтау­ға ынталандыруға, өз маман­дығының өткені мен бүгініне махаббат пен мақтаныш сезімін қалыптастыруға үн­дейді.

«Бүгінде аты аңызға ай­налған Түрксібті қысқа мерзім ішінде адамдардың қолмен салып шығуы керемет сияқты болып көрінеді. Бұл жоталар мен тау өзендері, шөлді құмдар мен сусыз дала арқылы 1,4 мың шақырым рельс­тік жол­табан. Жолды Ұлы Жібек жолының жалғасы деп санауға болады: оның бо­йында жаңа деполар, кө­пір­лер салынып, байланыс жүйесі жолға қо­йылды. Қа­зір өскелең ұрпақ Түр­к­сіб­тің тарихын, оны салу­шы­лардың ерліктері туралы бі­луі тиіс. Бұл Гиннестер кітабына лайық рекорд. Түр­­ксіб салушыларының даңқ­­ты дәс­түрлерін қазіргі жас­тар жал­ғастыруы керек», дейді «ҚТЖ» ҰК» АҚ Кон­суль­т­атив­­тік кеңесінің мүшесі, Құр­­­метті теміржолшы Қалтай Сәмбетов.

Байқауға келіп түскен жұ­мыстар www.railways.kz кор­­поративтік сайтындағы Түр­­к­сібтің 90 жылдығына ар­налған айдарда жарияланады. Қатысу талабы жалғыз, үміткерлер ретрофотоларда көрініс тапқан заманауи фотоларын ұсынуы керек.

Ұйымдастырушылар бір мезгілде өткен жылдарды еске түсіретін бүгінгі сурет­ті көркемдік-идеялық тұр­­ғы­­дан бағалап, үздігін қазы­лар алқасының қарауына жібереді. Жүлделі орын иегерлерінің есімі 2020 жылдың 17 шілде­сіне дейін анықталады. Же­ңім­паздар сыйлықтармен ма­рапатталып, олардың жұ­­­­мыстары Түрксібтің 90 жыл­­­­­­дығына арналған сурет көр­месіне қойылады. Со­ны­мен қатар ұлттық ком­па­нияның сайтында және «Қазақстан теміржолшысы» салалық газе­тінде жарияланады. Жұмыстар осы жылдың 15 маусымы мен 6 шілдесі  аралығында қа­былданады.

 

Соңғы жаңалықтар

Жамбыл жылы жырлайды

Руханият • Кеше

Қай салада жалақы өсті?

Экономика • 27 Ақпан, 2021

Ресей азаматтары алғыс айтты

Аймақтар • 26 Ақпан, 2021

Ұқсас жаңалықтар