Жоғарыдағы жаңалыққа қазақстандық жанкүйерлер бекер қуанып отырған жоқ. Себебі, 49 жастағы беларуссиялық маман 2018-2020 жылдар аралығында Құрлықтық хоккей лигасында (ҚХЛ) Нұр-Сұлтанның "Барысын" жаттықтырды. Айтулы бапкердің жетекшілігімен жерлестеріміз Чернышев дивизионында екі рет топ жарып, Шығыс конференциясында қатарынан екінші маусым екінші орынды иеленді. Гагарин кубогы жолындағы жарыста екі рет ширек финалға дейін жетті. Биылғы маусымда ол көрсеткішті жақсартуға да болар еді, алайды коронавирустың кесірінен турнир тоқтатылды.
Сөйтіп, "Барыстың»" бұрынғы бас бапкері Андрей Скабелка Беларусьтің ең үздік жаттықтырушысы болып танылды. Бұл оның үшінші рет осы белесті бағындыруы. Бұған дейін Скабелка 2016 және 2019 жылдары дәл сондай атаққа қол жеткізген еді.
