Қазақстан Республикасы Қорғаныс министрлігінде қорғаныс ведомствосының басшысы Әділбек Жақсыбеков Беларусь Республикасы Мемлекеттік әскери-өндірістік комитетінің төрағасы Сергей Гурлевпен кездесті. Кездесу Беларусь Республикасының Президенті Александр Лукашенконың Қазақстан Республикасына ресми сапары шеңберінде өткен болатын.
Қазақстан Республикасы Қорғаныс министрлігінде қорғаныс ведомствосының басшысы Әділбек Жақсыбеков Беларусь Республикасы Мемлекеттік әскери-өндірістік комитетінің төрағасы Сергей Гурлевпен кездесті. Кездесу Беларусь Республикасының Президенті Александр Лукашенконың Қазақстан Республикасына ресми сапары шеңберінде өткен болатын.
Тараптар әскери-техникалық саладағы екіжақты ынтымақтастықтың қазіргі жағдайы мен келешегін талқылады. Аталған саладағы екіжақты қарым-қатынасты реттеуші және оның дамуына ықпал ететін маңызды орган ретінде әскери-техникалық ынтымақтастық жөніндегі Қазақстан-Беларусь кіші комиссиясы жұмысына оң баға берілді.
Кездесуде Әділбек Жақсыбеков:
– Қазақстан Қорғаныс министрлігі Беларусь қорғаныс өнеркәсібі кешендерімен ынтымақтастықты кеңейтуге дайын. Біз ел аумағында Қазақстан-Беларусь бірлескен кәсіпорындарын салуға мүдделіміз, – деп атап өтті.
Кездесуде Қазақстан Қарулы Күштерінің ұшақтарына беларусь кәсіпорындарында, сондай-ақ Астанада салынатын авиациялық-техникалық орталықта техникалық қызмет көрсету бойынша ынтымақтастықты одан әрі дамыту талқыланды.
Әділбек Жақсыбеков пен Сергей Гурлев Қазақстан-Беларусь екіжақты әскери-техникалық ынтымақтастық пен өзара іс-қимылдарды белсенділендіру туралы әңгімелесті.
«Егемен-ақпарат».