Кинотуындыда біздің заманымызға дейінгі VI ғасырдағы ұлы даладағы алып билеушілердің тағдырлы тартысы суреттеледі. Фильмде кішкентай қыздан ержүрек жауынгерге айналған, жақындарынан айырылып, сатқындардан өшін алған және сақ тайпаларын біріктірген аты аңызға айналған Томирис патшайымның тағдыры баяндалады. Фильм Мәдениет және спорт министрлігінің тапсырысымен «Қазақфильм» киностудиясында Sataifilm компаниясының қатысуымен түсірілген.
«Бұл эпикалық фильм таңғажайып пейзаждармен көркемделіп, жоғары сапада түсірілгендіктен көрермендерді бірден баурап алатыны сөзсіз», деп жазды Variety басылымы.
«Таңғажайып оқиғаларды біз ерекше ұнатамыз. Сондықтан да алғашқы тарихи «Амазон патшайымының» құпияға толы оқиғасы басқаларға қарағанда сенімдірек», деді Well Go USA Entertainment президенті және атқарушы директоры Дорис Пфардрешер Hollywood Reporter тілшісіне.
Ал кинотуындыны тамашалаған америкалық сарапшылар фильмнің көркемдік келбетін айрықша бағалап, көрермен көзайымына айналатын туынды деп бағалап отыр. – Қазақстандық және америкалық кинопродюсер, Қазақстанның Лос-Анжелестегі құрметті консулдығының басшысы Гия Нұртас бізді осы арнайы жобамен таныстырған кезде, фильмнің керемет әлеуетін бірден байқадық. Well Go USA компаниясы Томирис патшайымы туралы осы бір тамаша туындыны бізге жеткізуге дайын екендігіне өте қуаныштымыз, – дейді олар.
