Коронавирус пандемиясына байланысты ұзаққа созылған үзілістен кейін балуандар Алатаудың етегінде бас қосуды құп көрген екен. Ұлттық Олимпиада комитетінің хабарлауынша, бұл ретте барлық сақтық шаралары сақталады. Команда мүшелері мен қызмет көрсету персоналының бөгде адамдармен байланыс жасауына рұқсат етілмейді. Бапкерлер мен спортшылардың жатын орны мен тамақтанатын жерлері дезинфекцияланады. Тәулігіне бірнеше рет олардың денсаулығы тексеріледі.
Қазіргі кезде Алмат Кебісбаев, Нұрмахан Тыналиев, Мейрамбек Айнағұлов, Демеу Жадыраев, Айдос Сұлтанғали, Мейіржан Шермаханбет, Қорлан Жақанша, Асхат Ділмұхамедов, Азамат Құстыбаев, Мақсат Ережепов, Ерұлан Искаков, Нұрсұлтан Тұрсынов, Асхат Жаңбыров, Темірлан Шадукаев, Азат Садықов, Ислам Умаев, Әлімхан Сыздықов, Елмар Уқали, Илимдар Сатаев, Алмас Байбатшанов, Тілек Әсембаев, Нұрбек Қызыров, Арслан Абдурахманов, Диас Қален және Евгений Поливадов сынды сайыпқырандар "Ақбұлақта" оқу-жаттығу жиынын өткізуде.
