Жақында Аягөз қаласында болғанымызда орталық алаңға махаббаттың символы – Қозы Көрпеш-Баян сұлуға еңселі ескерткіш қойылғанын көрдік. Ескерткіштің етегі гүлге толы екен. Соған қарағанда, мұнда жастар, әсіресе, жас жұбайлар жиі келетін сияқты.
Жақында Аягөз қаласында болғанымызда орталық алаңға махаббаттың символы – Қозы Көрпеш-Баян сұлуға еңселі ескерткіш қойылғанын көрдік. Ескерткіштің етегі гүлге толы екен. Соған қарағанда, мұнда жастар, әсіресе, жас жұбайлар жиі келетін сияқты.
– Ескерткіштің орталық алаңда қойылуында жастарға тәрбие беретіндей үлкен мән бар, – дейді Аягөз ауданының әкімі Нұрбол Нұрғалиев бізбен әңгімесінде. – Қозы Көрпеш-Баян сұлу атындағы мәдениет үйі ескерткіш орнатылған жерден алыс емес. Оған жөндеу жұмыстары жүріп жатыр. Қаланың орталық алаңының да күрделі жөндеуден өтіп жатқанын көріп тұрсыздар. Аягөз тоғыз жолдың торабында орналасқандықтан келетін қонақтар алдында жүзіміз жарқын болсын деген ниетпен басқа да мәдени шаралар жүзеге асырылуда.
Қазір Аягөз қаласында 38 мың, ауданда 70 мыңнан астам тұрғын бар. Ауданның экономикасы өркендеп келеді. Жыл басынан бері 3 миллиард 123,9 миллион теңгенің өнеркәсіп өнімдері шығарылды. Құрылысы қарқынды салынып жатқан Ақтоғай кен-байыту комбинаты екі жылдан кейін іске қосылып, онда өңірде тұратын бір жарым мың адам жұмыспен қамтамасыз етілмек.
Оңдасын ЕЛУБАЙ,
«Егемен Қазақстан».
Шығыс Қазақстан облысы.
Аягөз ауданы.
––––––––––––––––
Суретті түсірген автор.