Кадрда балабақша тәрбиешісі орындықта отырған балалардың құлағынан бұрап ұстап, есіктен шығарып жатқандығы анық көрінеді. Жазбаның астында оқиғаның №7 балабақшада болғаны туралы айтылған.
Бұл жағдайға байланысты Алматы қалалық білім басқармасының қызметкері Қуандық Ешімет арнайы комиссия құрып, тексеру жұмыстарыын жүргізіп жатқандығын атап өтті. "Аталған факт бойынша, балабақшаның лауазымды тұлғаларынан бастап, мекеме қызметкерлеріне қатысты заңға сәйкес шаралар қабылданады. Бейнедегі дауыстың №7 балабақша меңгерушісінің тиесілі екені әлі нақтыланбады, оны алдағы уақытта тексеру нәтижесі анықтап берер. Бірақ заң алдында бәрі бірдей және тексеру аяқталғаннан кейін ақпарат қосымша жарияланады", деді ол.
