Спорт • 19 Маусым, 2020

Роналдо футбол тарихындағы ең үздік ойыншыларды атады

89 рет көрсетілді

Футболдан Бразилия ұлттық құрамасының бұрынғы шабуылшысы Роналдо спорт тарихындағы ең үздік төрт ойыншының есімін атады, деп жазады Egemen.kz

 

"Мен үшін Пеле, Марадона, Лионель Месси және Криштиану Роналдудың төрттігіне тең келер ешкім жоқ. Ешкімге ұқсамайтын өзінің ойын мәнерлерімен олар әлемдік футбол тарихында өшпейтұғын із қалдырып кетті. Әрқайсысы өз дәуірлерінің теңдессіздері. Сол себепті де мен айтулы теңбіл доп шеберлерін бөле-жара атап отырмын, - дейді Роналдо.

Сонымен қатар Бразилияның шоқ жұлдызы Мұхаммед Салах, Эден Азар, Неймар және Килиан Мбаппенің өнеріне ерекше сүйсінетінін тілге тиек ете отырып, олардың да болашағы жарқын екеніне қылаудай да күмән келтірмейтіні айтқан еді. 

43 жастағы Роналдо да кезінде өз дәуірінің шоқ жұлдыздарының бірі болды. 1993-2011 жылдар аралығында "Крузейро", ПСВ, "Барселона», "Интер", "Реал", "Милан" және "Коринтианста" ойнады. Клубтық деңгейде 384 кездесу өткізіп, 280 рет нысананы дәл көздеді. Бразилияның жасөспірімдер, олимпиадалық және ұлттық құрамалары сапында өнер көрсетіп, екі дүркін әлем чемпионы, әлем чемпионатының күміс жүлдегері, Конфедерация кубогының жеңімпазы, Америка кубогының екі жүркін жеңімпазы және Атланта Олимпиадасының қола жүлдегері атанды.

Роналдо 1996, 1997, 2002 жылдары ФИФА-ның таңдауы бойынша жыл ойыншысы атанды. 1997 және 2002 жылдары «Алтын допты» иеленді. 1997 жылы "Алтын бутсыны" еншіледі. Айтулы футболшы одан басқа тағы да көптеген атақтарға қол жеткізді.

Соңғы жаңалықтар

Пневмониядан екі адам қайтыс болды

Коронавирус • Бүгін, 10:00

Ақтөбеде бала суға батып кетті

Аймақтар • Бүгін, 09:30

Арақ сатылмайтын аудан

Аймақтар • 14 Мамыр, 2021

Ұқсас жаңалықтар