Қоғам • 20 Маусым, 2020

Алматының бір ауданында 84 нысан дезинфекцияға жабылды

Алматы қаласының өңірлік коммуникациялар қызметінің алаңында өткен онлайн брифингте Әуезов ауданы әкімінің орынбасары Ренат Кенеев 20-21 маусым күндері аудан аумағында барлық сауда ойын-сауық орталықтарының, сауда үйлерінің, сауда орталықтарының, базарлардың, спорт залдарының жұмысы тоқтатылғанын хабарлады. Қазір осы нысандарда санитарлық-профилактикалық және эпидемияға қарсы санитарлық шаралар жүргізілуде, - деп хабарлайды Egemen.kz.

Айнаш ЕСАЛЫ

"Қазір біздің дәрігерлеріміз, полицейлер мен тіршілікті қамтамасыз ететін кәсіпорын қызметкерлері күшейтілген режимде қызмет етуде. Мен бәрінен олардың еңбегіне құрметпен қарауға шақырамын. Біздің ауданның тұрғындарынан халықты коронавирус инфекциясынан қорғауға қажетті мәжбүрлі шараларға түсіністік танытуларын және байыппен қарауларын сұраймын", - деді Алматы қаласының Әуезов ауданы әкімінің орынбасары Ренат Кенеев.

Ауданда Asia Park, Sputnik Mall, Almaty Mall, Grand Park, Moskva metropolitan СОО және 8 басқа сауда орталықтары: Люмир, Үш Сұңқар, Масато, City және басқа 19 сауда үйі жұмыстарын тоқтатты, олардың арасында Armada, Car City, Тигрохауд, АвтоСити, 12 месяцев бар. 4 базар: : Арыстан, Сары – Арқа, Ақсай – 3, Тигрохауд және 17 супермаркет Magnum, SMALL, Рамстор, Метро және басқалары.

Сонымен бірге 28 спорт кешені D-fitness, FitnessBlitz, Invictus жұмыстарын тоқтатты.

Сонымен бірге, демалыс күндері жұрт жаппай дем алуға келетін орындары жабылды, нақтырақ айтқанда:
скверлер (4 шағын ауданда Сары-Арқа кинотеатының сыртында, және Алтынсарин даңғылы бойынша Қабдолов көшесінен бастап Жандосов көшесіне дейін) 8 шағын аудандағы жаяу жүргіншілер аймағы, Family Park саябағы,Сайран өзенінің батыс бөлігі

Күннің маңызды және өзекті жаңалықтарын «Егемен Қазақстан» телеграм каналынан оқыңыз