Аймақтар • 23 Маусым, 2020

Биыл Ақтөбе облысындағы 10 мыңға жуық адамға баспана беріледі

123 рет көрсетілді

2020 жылы Ақтөбе облысында 1 млн  25 мың шаршы метр немесе 9700 тұрғын үй салу міндеті тұр. Бұл мақсатқа қаржыландырудың барлық көздері есебінен ағымдағы жылдың 5 айына 23 млрд теңге инвестиция бағытталған. Бұл туралы ИИДМ баспасөз қызметіне сілтеме жасай отырып Egemen.kz хабарлайды.

Бүгінде облыс бойынша 1 547 баспана пайдалануға берілді, оның ішінде – 931 жеке үй.

"Нұрлы жер" мемлекеттік бағдарламасы шеңберінде 2020 жылы инженерлік-коммуникациялық инфрақұрылым және тұрғын үй құрылысына 21,1 млрд теңге бөлініп, 49 жоба іске асырылады.  Осылайша 2 439 жұмыс орнын құру көзделген.

Ақтөбе облысында биыл 65 мың шаршы метр жалға берілетін тұрғын үй және кредиттік тұрғын үй пайдалануға беру жоспарда бар. Бұл – 1 142 пәтер. Аталған екі бағыттағы жұмысты іске асыру үшін 1800-ге жуық жұмыс орны ашылмақ.

Бұдан басқа, "Нұрлы жер" мемлекеттік бағдарламасы аясында 2% несие берілетін "Бақытты отбасы" бағдарламасын жүзеге асыруға ағымдағы жылы республикалық бюджеттен облыс әкімдігіне 302 тұрғын үй қарызына 3 млрд. теңге қарастырылған.

Сонымен қатар, тұрғын үй құрылысы аудандарына инженерлік-коммуникациялық инфрақұрылым жүргізуге арналған 24 жобаны іске асыру үшін 7,9 млрд теңге қарастырылған. Бұл ретте 661 адамды жұмыспен қамту көзделіп отыр.

 
Соңғы жаңалықтар

Теңге қымбаттайды

Қаржы • Кеше

Италияда тоғыз жүлде алдық

Спорт • 07 Наурыз, 2021

«Барыс» ұтылып қалды

Спорт • 06 Наурыз, 2021

Елдос Сметов күміс алды

Спорт • 06 Наурыз, 2021

Ұқсас жаңалықтар