Премьер-Министр Серік Ахметов демалыс күні 12 қазанды 14 қазанға ауыстыру жөнінде қаулыға қол қойды. Бұл туралы Премьер-Министрдің ресми сайты хабарлады.
Үкімет басшысы барлық еңбеккерлерге қолайлы жағдай жасау үшін демалыс күнін арнайы қаулымен бекітіп отыр. Қаулыға сәйкес қажетті өнім шығару, қаржы қызметтерін қоса алғанда, қызметтер көрсету, сондай-ақ құрылыс объектілерін іске қосу үшін еңбек, материалдық және қаржы ресурстарымен қамтамасыз етілген ұйымдарға кәсіподақ ұйымдарымен келісім бойынша 2013 жылғы 14 қазанда жұмыс жүргізуге құқық беріледі.
