Оқиға • 25 Маусым, 2020

Анар неге Америкаға бармады?

611 рет көрсетілді

Кеншілер астанасындағы Назарбаев зияткерлік мектебінің түлегі, «Алтын белгі» иегері Анар Сембекова америкалық Qunnipiak University және ағылшынның Hult International School of Business деп аталатын жо­ғары оқу орындарынан шақырту ал­ған еді. Алайда дарынды жас екі­нің бірі арман ететін мұндай мүм­кіндіктен бас тартып, еліміздің танымал оқу орнын таңдады.

Медицина саласына таңдауы түскен Анар Сембекова дәрігерлік мамандықты өз елімізде алған әлдеқайда дұрыс деп есеп­тейді.

– Себебі, – дейді ол, – әр елдегі жұмыс­тың өз ерекшеліктері болады. Ал Назарбаев Уни­­верситет – еліміздегі ең үздік жоғары оқу орындарының бірі. Мен аталған білім ор­дасы база­сындағы екі апталық лагерьде болғанымда, ондағы жағдайды көріп қат­ты таңғалдым. Зерт­ханалар, құрал-жабдық­тар, оқытушы-профес­сорлар, бәрі-бәрі өте жоғары деңгейде екен!

Болашақ дәрігер Анар Сембекова медицина саласында дауасы жоқ дерттер, беймәлім құбылыстар сияқты әлі де талай ақтаңдақ бар екенін айтады. «Университет қабырғасында мен осы және басқа да проблемалар бойынша зерттеулермен айналысып, еліміздегі денсаулық сақтау сала­сының дамуына өзіндік үлесімді қосқым келеді», дейді.

Қарағандының патриот қызы Қазақ­станда оқып, осы жерде жұмыс істеуді алдына мақсат етіп қойған. «Әрине, әлемді аралап, саяхаттаған дұрыс та шығар. Тіпті, шетелде біраз уақыт тұруға да болады. Бірақ бәрібір де өз Отаныңа адал болуың керек», дейді ақылды қыз Анар.

 

ҚАРАҒАНДЫ

 

Соңғы жаңалықтар

Италияда тоғыз жүлде алдық

Спорт • Бүгін, 10:10

Әр сала үздіктеріне құрмет танытты

Аймақтар • 05 Наурыз, 2021

Бағдат Мусин Шымкентке барды

Аймақтар • 05 Наурыз, 2021

Ұқсас жаңалықтар