Оқиға • 26 Маусым, 2020

Тіл жеңімпаздары марапатталды

33 рет көрсетілді

Мәдениет және спорт министрлігі "Мемлекеттік тіл және БАҚ-2020" республикалық байқауы жеңімпаздарын марапаттады, деп жазады Egemen.kz

Барлық нәрсені жақсы ырымға жоритын халықтың ұрпағымыз ғой, биылғы дәстүрлі доданың қорытындылау салтанаты қасиетті жұмаға сәйкес келгеніне ішіміз жылып қалды. Онлайн-режимінде өткен шараға тікелей қосылуға тілек білдіргендердің саны көп болды. Бәрінен көтеріңкі көңіл күй есіп тұрды.  

Мәдениет және спорт министрі Ақтоты Райымқұлованың: "Мемлекеттің жан-жақты дамуына, елдің бірлігіне бұқаралық ақпарат құралдарының қосар үлесі зор. Біздің ортақ мақ­сатымыз – бір-бірімізді қолдау, бірге әрекет ету, елдің, экономиканың дамуы, әлеу­меттік саланың гүл­денуі, өмір­дің тыныштығы. Сіздер, журналистер қауымы, алтын көпір болып келесіздер", деп басталған ақжолтай Құттықтауы қолына қалам мен микрофон ұстаған қауымды қанаттандырып жіберді.  

Әлемге жайылған жағдай үміткерлердің шалқар шабытына тосқауыл бола алмады. Орталықтың Бас директоры Әлібек Асқардың айтуынша, "Биылғы конкурсымызға ешнәрсе көлеңке түсіре алған жоқ, еліміздің түкпір-түкпіріндегі ақпарат кеңістігіндегі "мылтықсыз майданның жауынгерлері" өз бағын сынау үшін шырқау көңілмен, құлшыныспен қатысты. Түскен туындылардың ішінде "осы қалайы" жоқ, қазақ журналистикасындағы тың ізденістердің ізі бар".

Еліміздің түкпір-түкпіріндегі 56 журналистің 2019 жылғы 11 маусым мен 2020 жылғы 3 маусым аралығында жарияланған 116 материал талқыға түсті.

Аталымдар бойынша жіктесек:

  1. "Үздік мақала" бойынша қатысушылар саны – 24, материалдар саны – 49;
  2. "Үздік сайт мақаласы" бойынша қатысушылар саны – 12, материалдар саны – 25;
  3. "Үздік радиобағдарлама" бойынша қатысушылар саны – 11, материалдар саны – 23;
  4. "Үздік телебағдарлама" бойынша қатысушылар саны – 9, материалдар саны – 19.

Бас жүлде – 1 млн теңге;

1 орын (төрт аталым бойынша) әрқайсысына 500 мың теңге;

ІІ орын(төрт аталым бойынша) әрқайсысына 350 мың теңге;

ІІІ орын (төрт аталым бойынша) әрқайсысына 150 мың теңге;

 

"Үздік мақала" номинациясы бойынша:

Сімәділ Қарагөз Серікқызы, "Ана тілі" газеті, ІІІ орын, 150 000 тг.

Бектасова Гүлзина Тұрғанбайқызы, "Айқын" республикалық қоғамдық-саяси газеті, ІІ орын, 350 000 тг.

Пазылов Орынбек Өтемұратұлы, "Егемен Қазақстан", І орын, 500 000 тг.

"Үздік сайт мақаласы" номинациясы бойынша:

Әбдуәли Аян Бекжанұлы, "Elorda Aqparat", ІІІ орын, 150 000 тг.

Өрібай Аян Бекенұлы, "ҚазАқпарат" халықаралық ақпарат агенттігі, ІІ орын, 350 000 тг.

Ермұхамед  Мәулен, "Аладоп.кз" сайты, І орын, 500 000 тг.

"Үздік радиобағдарлама" номинациясы бойынша:

Нұрмат Мансұр, "Шалқар" радиосы, ІІІ орын, 150 000 тг.

Шамшейітова Айнұр Асылханқызы, "ҚАЗАҚ РАДИОЛАРЫ" ЖШС, ІІ орын, 350 000 тг.

Гүлнұр Омарханқызы, "Шалқар" радиосы, І орын, 500 000 тг.

"Үздік телебағдарлама" номинациясы бойынша:     

Қалдыбаева Гүлнұр Ғазизқызы, "Қазақстан" РТРК" АҚ Маңғыстау облыстық филиалы, ІІІ орын, 150 000 тг.

Кашкинбаева Жанар Тойшановна, "Акцент" Лисаков телеарнасы" ЖШС, ІІ орын, 350 000 тг.

Құттыбеков Айбек Құттыбекұлы, "Жетісу" телеарнасы, І орын, 500 000 тг.

 Бас жүлде – Төлебаев Дәуіржан Жұмажанұлы, "Ана тілі" газеті атынан, 1 000 000 тг.

Соңғы жаңалықтар

Теріскейдің Самалы

Руханият • Кеше

Ұқсас жаңалықтар