Руханият • 30 Маусым, 2020

Мейірімді болсаңыз, мейірімге бөленесіз

187 рет көрсетілді

Көршім Ақық мұғалім айтқан мына бір жайт жиі есіме түседі.

– Адамның аты-жөнінде мән бар деген осы екен. Адамбек деген оқушым көп балалы үйден, аз қамтамасыз етілген отбасынан болған соң мектеп оған көмектесіп тұратын. Менің сыныбымда сондай 3-4 оқушы бар еді. Бір күні Адамбектің анасы келіп тұр, – деді Ақық. – Үкімет беріп жатқан 42 500 теңгені күтіп жүріп, мен де алдым. Сөмкемде тұр, ала ғой өзің. Сіздің сыныптағы балаларға да бұйырды, игілікті болсын! Мен артық сөйлеп қойыппын, кешіріңіз.

 

– Қалайша, түсінбедім, балаларға бұйырғаны қалай? – деп сұрайды мұғалім.

Сөйтсе, аяқкиім алуға ақша сұра­ған Адамбек 42 500 теңгенің 20 мың теңгесіне өзіне және сыныптас достары Аужар мен Әнесбекке де аяқкиім мен балмұздақ алып беріпті.

– Біздің үйде 4 бала, ал олардың үй­лерінде 6-7 баладан бар, ақшалары жетпей тұр кроссовка алуға. Жалғыз өзім киіп, дос­тарым­ды қызықтырып, жүректерін ауырт­қым келген жоқ. Мама, неге маған рен­жисіз? Осы 42 500 теңгені үнемі алып жүр­ген жоқпыз ғой. Бір рет қана берілді. Олар­­ға да көмек болсын. Мама, мен сон­да жамандық жасадым ба? – депті ал­ға­­шында қатты ренжіп қалған анасына.

Осындайда дүкен сатушысының айтқаны да есіме түсті. Кешкілік уа­қыт­та азық-түлік, көкөніс сататын дүк­енімізге бір жас жігіт жүгіріп кірді.

– Апайлар, 800 теңге тауып бері­ңіздерші! Бар ақшамды тартып алып, өзім­ді соққыға жыққандары біреу­лер­дің. Ауылға қайта алмай тұрмын, көмек­тесіңіздерші, – деді ентігіп. Екі сату­шы бір-бірімізге қарадық. Жігіттің түсі шынымен де адам аярлықтай. Бұл бір емес, дәл осы жігіт сияқты 20, 50, 100 теңге сұрап келетіндер де жетеді. Арақ іше­тіндерін білесің де, ештеңе жоқ деп қуып жіберетінбіз. Бәріміз де бала өсіріп отыр­мыз ғой, жанымыз ашып, жігіт­тің сұраған ақшасын беріп, шығарып сал­дық. Содан, арада жарты жылдай уақыт өткенде, бір күні әлгі жігіт келіп тұр. Ескі таныстай жөн сұрасып жатырмыз:

– Апайлар, рахмет сіздерге! Сол түні Семей арқылы жүретін автобус­пен ауылға жеттім. Шешем уайымдап, далада күтіп жүр екен, – деп 800 теңгені әкеп тұр. Қолында анасының бізге беріп жіберген құрт-ірімшігі мен майы тағы бар.

Иә, мейірімнің, жан жылуының, жана­шырлықтың айналамызда жүр­геніне қуанасың. Мейірімді болсаңыз, мейірімге бөленесіз деп тұрғандай.

 

Павлодар облысы

 

Соңғы жаңалықтар

Салмағы 92 грамдық принтер

Технология • Кеше

Қашықтан оқып, тіл үйрен!

Білім • 11 Шілде, 2020

Атырауда жазғы дәмхана өртенді

Аймақтар • 11 Шілде, 2020

Ұқсас жаңалықтар