Атыраудың Жылыой ауданына жаңа әкім келді

Аймақтар • 30 Маусым, 2020

Атыраудың Жылыой ауданына жаңа әкім келді

378 рет көрсетілді

Облыс әкімі Махамбет Досмұхамбетовтың өкімімен, ҚР Президент Әкімшілігінің келісімімен Жылыой ауданының әкімі болып Хәлел Жамалов тағайындалды, - деп жазады Egemen.kz

Жолдасбек КӨШЕРБАЙҰЛЫ

Хәлел Жамалұлы 1962 жылы 15 тамызда Атырау облысы, Жылыой ауданы, Құлсары қаласында дүниеге келген. Білімі жоғары, 1985 жылы Алматыдағы В.Ленин атындағы Қазақ политехникалық институтын бітірген. Мамандығы – инженер-механик.

Еңбек жолын 1985 жылы Оңтүстік-Ембі мұнай барлау экпедициясында дизелист болып бастап, 1985-1989 жылдары аталған экпедицияда машинист, механик болып жұмыс істеді. 1989-1991 жылдары "Теңізмұнайгаз" өндірістік бірлестігінің Теңіз технологиялық көлік басқармасында МТҚ бөлімінің жетекші инженері, бөлім басшысы, бас инженер лауазымдарын атқарды.

1991-1999 жылдары аралығында коммерциялық кәсіпорын басшысы, бөлім басшысы, маркетинг бөлімінің бас менеджері болды. 2000-2002 жылдары "Горизонт" жауапкершілігі шектеулі серіктестігінің бас менеджері, 2002-2004 жылдары «Бұрғылау» жауапкершілігі шектеулі серіктестігі директорының орынбасары болып жұмыс істегді.

2005 жылдың қаңтарынан бері "Горизонт" ЖШС бас менеджері. Жылыой аудандық мәслихатының 4, 5, 6 шақырылымдарына депутат болып сайланды.

Өңір басшысы Махамбет Досмұхамбетов Жылыой ауданы әкіміне ауданның әлеуметтік-экономикалық дамуын жеделдету, жұмыспен қамту, тұрғын үй, сумен қамтамасыз ету, әлеуметтік нысандар салу, қоғамдық қауіпсіздікті сақтау жөнінде нақты тапсырмалар жүктеді.

Күннің маңызды және өзекті жаңалықтарын «Егемен Қазақстан» телеграм каналынан оқыңыз