Үкімет • 03 Шілде, 2020

Жағдайды тұрақтандыру шаралары бекітілді

80 рет
көрсетілді
3 мин
оқу үшін

Премьер-Министр Асқар Маминнің төрағалығымен өткен Мемлекеттік комиссия отырысында Президент Қасым-Жомарт Тоқаевтың тапсырмасына сәйкес Қазақстандағы эпидемиялық ахуалды тұрақтандыру шаралары қаралды.

Жағдайды тұрақтандыру шаралары бекітілді

Елдегі санитарлық-эпидемия­лық жағдай және коронавирус инфекциясының таралуына жол бермеу мақсатында шектеу шараларын енгізу бойынша ұсы­ны­латын шаралар туралы Ден­сау­лық сақтау министрі А.Цой баяндады.

Қазақстанда эпидемиялық ахуалдың өршуін және корона­вирус инфекциясымен сырқаттану­дың өсуін ескере отырып, Мемлекеттік комиссия биылғы 5 шілдеден бастап 14 күнге келесі шектеу шараларын енгізу туралы шешім қабылдады:

Көлік қатынасы бойынша:

  1. Елдер тізімін көбейтпей, ха­лық­аралық әуе қатынасын сақтау;
  2. Өңірлер арасындағы әуе қатынасын, темір жол қатынасын сақтау (шектеулермен);
  3. Өңірлер арасындағы жолаушылар автобусы қатынасын уақытша тоқтату;
  4. Қоғамдық көліктің жұмысын уақыт бойынша шектеу.

Азаматтардың жүріп-тұруы бойынша:

  1. Ойын-сауық, спорт және басқа да бұқаралық іс-шараларды, сондай-ақ отбасылық, еске алу шараларын өткізуге тыйым салу;
  2. Ашық ауада жаттығулар жасауға рұқсат ету;
  3. Тұрғындардың көшелерде, саябақтарда, скверлерде 3 адамнан артық серуендеуін шектеу;
  4. 65 жастан асқан адамдардың сыртқа шығуын шектеу.

Мына нысандардың қызме­тіне тыйым салу керек:

  1. Сұлулық салондары, шаштараз, спорт залдары, фитнес орталықтар, бассейндер, азық-түлік және азық-түліктік емес жабық базарлар, жағажайлар, аквапарктер, мәдениет нысандары, музейлер, көрмелер, форумдар, конференциялар және өзге де ұйымдастырылған бұқаралық іс-шаралар, ойын-сауық орталықтары, мектепке дейінгі балалар мекемелері (кезекші топтардан басқа), діни нысандар және т. б. (СОСО-дағы ойын-сауық ор­талықтары, ойын-сауық нысандары (караоке, бильярд, компьютер клубта­ры, боулинг орталықтары), кино­театрлар, балаларды сауықтыру ла­­гер­ьлері, фудкорттар, банкет залда­ры).
  2. Мемлекеттік органдардың (ұйымдардың), кеңселердің, ұлттық компаниялардың және өзге де ұйымдардың қызметкерлерінің кемінде 80%-ның қашықтан жұмыс істеу режімін сақтау;
  3. Алдын ала жазылу бойынша медицина орталықтарының қыз­метін сақтау;
  4. Дәріханалардың, азық-түлік дүкендерінің, ашық базарлардың қызметін сақтау;
  5. Күшейтілген санитарлық-дезинфекциялық режімді сақтай отырып, келесі нысандардың қызметін сақтау: ашық ауада қоғам­­дық тамақтану нысандары; үздіксіз өндірістік айналымы бар құ­рылыс, өнеркәсіп кәсіп­орын­дары; ашық ауадағы құрылыс жұмыстары; ауыл шаруашылығы, балық шаруашылығы және мал шаруашылығы жұмыстары; халыққа қызмет көрсету салалары, оның ішінде авто жуу, автомобильдерді және тұрмыстық техниканы жөндеу, ХҚО-лар, екінші деңгейлі банктер (уақыт бойынша шектеу енгізумен).

Үкімет басшысы еліміздегі эпиде­миялық ахуалдың алдағы уақытта қалай өзгеретініне байланысты аталған шектеу шаралары 2 аптаға ұзартылуы немесе қатаңдатылуы мүмкін екенін атап өтті.

Жаңа шектеу шараларын талқылауға орталық мемлекеттік және жергілікті атқарушы орган­дардың басшылары, Парла­мент Мәжілісінің депутаттары «Атамекен» ҰКП басшылығы және т.б. қатысты.