Коронавирус • 03 Шілде, 2020

Түркияда коронавирус жұқтырғандар саны 200 мыңнан асты

129 рет көрсетілді

Бүгінге дейін Түркияда 176 965 пациент коронавирус инфекциясынан жазылып шықты, деп мәлім еттті бейсенбі күні елдің денсаулық сақтау министрі Фахреттин Коджа өзінің Twitter парақшасында. Бұл туралы Анадолы агенттігіне сілтеме жасап отырып Egemen.kz хабарлайды.

Ведомство басшысының айтуынша, соңғы тәулікте Түркияда тағы 12 адам COVID-19 вирусынан көз жұмған. Елде аурудан қайтыс болғандар саны 5167 адамға жетті.

Министр коронавирус жұқтырудың тіркелген жағдайларының жалпы саны 202 284 екенін, тағы 1186 науқастың тесті оң нәтиже көрсеткенін атап өтті.

Денсаулық сақтау министрлігі басшысының мәліметінше, өткен тәулікте COVID-19 вирусының бар-жоғын тексеретін 49 714 тест жасалған.

Ал ауру басталғалы бері 3,48 млн талдау алынған.

Соңғы жаңалықтар

Ұқсас жаңалықтар