Сағынтаев Алматыда шектеу шараларының енгізілгенін жариялады

Алматы әкімі өзінің Facebook парақшасында шектеу шараларының қалада санитарлық-эпидемиологиялық жағдайды тұрақтандыру үшін енгізілгенін жазды. Бірқатар ұйымдардың және сауда, қызмет көрсету нысандарының жұмыстары екі аптаға тоқтатылады. Оның тізімімен ресми сайтта жарияланған қаланың мемлекеттік бас санитарлық дәрігерінің қаулысынан оқуға болады. Жұмыс жасауға рұқсат етілгендердің санитарлық нормаларды сақтаулары қатаң бақылауға алынады.

"Бүгін біз денсаулық сақтау жүйесінің материалдық техникалық базасын күшейтуді жалғастырудамыз. Провизорлық және қарантиндік орталықтарды кеңейтудеміз, медик мамандарды дайындаудамыз. Айтып өткенімдей, біздің дәрігерлерге өте үлкен салмақ түсуде. COVID-19-бен ауырған науқастар саны артуда. Сондықтан әрбір Алматылықтың қарым-қатынасты, байланысты барынша шектеу өте маңызды. Өзін-өзі оқшаулау мен санитарлық нормаларды қатаң сақтау – өмір сүрудің басты ережесіне айналуда", - деп атап өтті Б. Сағынтаев.

Ол өзінің сөзінде екі апталық шектеуден соң олардың жұмыстарын ұзарту немесе тоқтау туралы шешім қабылданады. "Осынау уақытша қиындықты жеңу үшін саналылық пен жауапкершілік танытатынымызға сенемін", - деп қорытындылады Алматы әкімі.

Мемлекет басшысы белгілеген міндеттерді, және эпидемиологиялық жағдайды тұрақтандыру бойынша Мемлекеттік комиссияның шешімін орындау мақсатында қалалық Комиссияның отырысының қорытындысы бойынша Алматы қаласының Бас мемлекеттік санитар дәрігерінің қаулысымен Алматы қаласының аумағында 2020 жылғы 5 шілде сағат 00.00-ден 2020 жылғы 20 шілде сағат 00.00-ге дейін қатаң шектеу шаралары енгізілді.

Қала тұрғындарына эпидемиологиялық тәртіпті қатаң сақтау қажет:
- 65 жастан асқан адамдардың қозғалысына шектеулер енгізіледі;
- адамдарды шақырумен және шоғырландырумен байланысты кез келген іс-шараларды өткізуге тыйым салынады (туған күндер, мерейтойлар, тойлар, астар және т. б.);
- жұмыс және қоғамдық орындарда (сауда объектілері, көшелер, саябақтар, әуежай және т. б.), қоғамдық көлікте маска тағу режімін және әлеуметтік қашықтықты сақтау.

Әлеуметтік қашықтықты сақтай отырып, 3 адамнан аспайтын топтармен немесе бір отбасы мүшелерімен ойын-сауық объектілерінсіз саябақтарға, алаңдар мен скверлерге, жағалауларға және халықтың басқа да демалыс орындарына баруларына болады. Сондай-ақ ашық ауадағы жеке жаттығуларға рұқсат.

Профилактикалық мақсатта көппәтерлі үйлердің подъездері мен аула аумақтарына дезинфекциялық шаралар аптасына 2 рет жүргізіледі, сонымен бірге, көшелер мен көпшілік орындарға, көппәтерлі үйлердің ошақ анықталған подъездеріне дезинфекция жасалады.

Covid-19 коронавирустық инфекцияның таралуының алдын алу мақсатында көрсетілген кезеңде жұқтыру қаупі жоғары келесі объектілердің қызметіне тыйым салынады:

- сауда ойын-сауық орталықтарының, сауда үйлерінің, сауда желілерінің, оларда орналасқан азық-түлік супермаркеттерін, дәріханаларды және жазғы террассалары мен жеке кіретін есігі бар стационарлық тамақтану объектілерін қоспағанда;
- ойын-сауық мекемелерінің (караоке, кальян, бильярд, компьютерлік клубтар, букмекерлік кеңселер, түнгі клубтар, боулинг-орталықтары, аттракциондар, балалардың ойын алаңдары, батуттар және басқалар), кинотеатрлар қызметіне тыйым салу;
- жабық азық-түлік, сондай-ақ азық-түлік емес базарлар;
- жеткізу қызметін қоспағанда, 500 м²-тан асатын азық-түлік емес дүкендердің қызметіне тыйым салу;
- балалардың сауықтыру лагерлері, білім бері орталықтарына, балалардың түзету кабинеттеріне, мектепке дейінгі балалар мекемелері (кезекші топтардан басқа), балалардың бос уақытын өткізетін орындар мен қосымша білім беру орындарына тыйым салу;
- мәдениет нысандары, мұражайлар, театрлар, көрмелер және адамдар көп жиналатын басқа да нысандар;
- діни нысандар (мешіттер, шіркеулер, соборлар, синагогалар және басқалары.);
- ұлттық олимпияда комитеті акредиттеген спорт базарларын қоспағанда барлық спорт объектілеріне (спорт алаңдары, кешендер, үйірмелер, секциялар бассейндер және т.б.);
- СПА-орталықтардың, жаттығу залдарының, фитнес-орталықтардың, спорттық-сауықтыру орталықтарының, бассейндердің, қалалық, қоғамдық жағажайлардың, аквапарктердің, қоғамдық моншалардың, сауналардың, сұлулық салондарының, шаштараздардың, косметикалық және косметологиялық қызмет көрсететін орталықтар мен салондардың, маникюр мен педикюр қызметтерін көрсететін массаж кабинеттерінің қызметіне.

Сондай-ақ, 3 адамнан аспайтын жеке немесе бір отбасы мүшелерін қоспағанда, табиғатқа экскурсиялық, корпоративтік, топтық шығуларды, жиналыс, кеңес, конференция, форум, семинарлар, съездер, көрмелер, тренингтер, оқыту курстарын және адам көп шоғырландыратын басқа да іс-шараларды, сонымен қоса отбасылық, естелік үшін жасалатын іс-шаралар үйде де ашық алаңда да (банкет, той, мерейтой, ас, құдайы тамақ және т.б) өткізуге тыйым салу.

Қызметіне рұқсат етілген мекемелер:
- медициналық орталықтар (алдын ала жазылу арқылы) күшейтілген санитарлық-дезинфекциялық режимді және аймаққа бөлу талаптарын сақтай отырып;
- дәріханалар, азық-түлік дүкендері (шағын маркеттер, супермаркеттер, гипермаркеттер), (ғимараттардан тыс) азық-түлік және азық-түлік емес базарлар, күшейтілген санитариялық-дезинфекциялық режимді сақтай отырып;
- ашық аспан астындағы қоғамдық тамақтану орындарына және ғимарат ішінде залда отыратын орындары 30-дан аспаған жағдайда, ұжымдық шараларды өткізусіз күшейтілген санитарлық-дезинфекциялық режимді сақтаған жағдайда. Тапсырысты сыртқа алып шығу және жеткізіп беру қызметіне рұқсат етіледі.
- үздіксіз өндірістік циклі бар өнеркәсіптік кәсіпорындардың және ашық ауада құрылыс жұмыстарының қызметі күшейтілген санитариялық-дезинфекциялық режимді сақтай отырып.

Мемлекеттік органдардың (ұйымдардың, кәсіпорындардың), квазимемлекеттік сектор органдарының, ұлттық компаниялардың, өзге де ұйымдардың, сондай-ақ кәсіпкерлік субъектілерінің басшылары кемінде 80% қызметкерлерді қашықтьқтан жұмыс icтey нысанына ауыстыруды (штат кестесі 30-дан астам қызметкер болғанда) қамтамасыз етулері қажет.

Меншік нысанына қарамастан ұйымдардың, кәсіпорындардың басшылары барлық объектілерде күшейтілген дезинфекциялық режимді және қызметкерлер мен келушілердің санитарлық-карантиндік және шектеу шараларының талаптарын сақтауын қамтамасыз етуі қажет.

Бірқатар нысандардың жұмыс форматы мен кестесіне шектеулер енгізіледі, олардың арасында:
- Халыққа қызмет көрсету орталықтары сағат 09.00-ден 16.00-ге дейінге режимде қызметкерлерінің кемінде 50% жұмысын қашықтықтан істеуге көшеді және күшейтілген санитарлық-дезинфекциялық режимді сақтай отырып, онлайн форматта қызмет түрлерін максималды түрде көрсетеді;
- Қаржы нарығы субъектілерінің қызметі уақыты мен саны бойынша шектеу бойынша қызмет етеді Қазақстан Республикасы Ұлттық Банкінің және Қазақстан Республикасы Қаржы нарығын реттеу және дамыту агенттігінің актісіне сәйкес;
- "Қазпочта" АҚ-жұмыс күндері сағат 8.00-ден 14.00-ге дейін жұмыс кестесін орнатумен, күшейтілген санитарлық-дезинфекциялық режимді сақтай отырып, онлайн режимде көрсетілмейтін қызметтер үшін жұмыс істейді;
- халыққа байланыссыз қызмет көрсету объектілері (көлік жуу, автомобильдерді жөндеу, тұрмыстық техника, химиялық тазалау және т. б.) уақытша кезеңде сағат 10:00-ден 17:00-ге дейін күшейтілген санитариялық-дезинфекциялық режимді сақтай отырып жұмыс істей алады;
- Бизнес-орталықтар (сақтандыру компаниялары, нотариустар, бухгалтерлер және консалтинг, жылжымайтын мүлік агенттіктері, жарнама агенттіктері және т. б.), айырбастау пункттері, ломбардтар жұмыс күндері және демалыс күндері жұмыс кестесін сағат 9.00-ден 17.00-ге дейін белгілей отырып, жұмысын жалғастырады;
- туризм нысандары және қонақүйлерде тұратын адамдарға қызмет көрсету саласындағы ұйымдар (қонақүйлер, демалыс үйлері, туристік базалар және басқалары) өз қызметтерін күшейтілген санитарлық-дезинфекциялық режимді сақтай отырып және тұратын адамдар (келушілер) 50%-дан аспаған жағдайда рұқсат етіледі. Қала өмірін қамтамасыз ететін ұйымдар мен кәсіпорындардың қызметкерлерінің тұруына рұқсат етіледі; Аталған нысандарды медициналық ұйымдар ретінде қайта бағыттауға жол беріледі.

Қоғамдық көлік жұмысы келесідегідей тәртіппен реттеледі:
- қалааралық автобус тасымалдары тоқтатылады (бұл ретте өңірлер арасында жеке автокөлікпен жүруге рұқсат етіледі);
- сенбі және жексенбі күндері қала маңындағы және қалалық қоғамдық көліктің, соның ішінде Метрополитеннің жұмысы толық тоқтатылады;
- қалалық қоғамдық көлік, соның ішінде Метрополитен және қала маңындағы автобус маршруттары 50% - дан аспайтын жолаушымен жұмысын жалғастырады.
Айта кету керек, қоғамдық көліктерде дезинфекция күн сайын әр айналымнан кейін тұрақты түрде жасалады.

Шектеу шараларының сақталуын қамтамасыз ету мақсатында мониторинг және бақылау іс-шаралары жүргізілетін болады. Карантиндік режимді және санитарлық-эпидемиологиялық талаптарды бұзғаны үшін әкімшілік жауапкершілік қарастырылған.