Қаржы • 07 Шілде, 2020

Банк ВТБ (Қазақстан) ШОБ қолдауға бөлінген қаражаттарды игерді

148 рет
көрсетілді
3 мин
оқу үшін

Бірақ бизнеске көмектесуді жалғастыруда. "Банк ВТБ (Қазақстан) "Қазақстанның орнықтылық қоры" АҚ-мен COVID-19 пандемиясынан жапа шеккен кәсіпкерлерді қолдау үшін бөлінген қаражаттарды мерзімінен бұрын игерді. Мемлекеттік бағдарламаның шарттарына сәйкес, ВТБ шағын және орта бизнесті жеңілдіктік кредиттеуге жылдық 8% мөлшерлемесімен 9 млрд теңге лимит алды. Банктің кейбір клиенттері жеңілдіктік қарыздарды өтей бастағандықтан, банк бұл қайтарылатын қаражаттарды бағдарламаның іске асырылуына қайта бағыттай алды және 23 клиентке қолдау көрсете отырып, қаржыландырудың көлемін 10,1 млрд теңгеге дейін арттыра алды" деп хабарлайды Egemen.kz банк таратқан баспасөз деректеріне сілтеме жасап.

Банк ВТБ (Қазақстан) ШОБ қолдауға бөлінген қаражаттарды игерді

Жеңілдіктік кредиттеу бағдарламасының арқасында көтерме сауда, құрылыс материалдарының өндірісі және сатылымы, азық-түліктік емес тауарларды қоймалау және сақтау, автокөліктің бөлшек саудасы және басқа да салалардағы кәсіпкерлер қолдауға ие болды. "Біздің банк елдегі кәсіпкерлікті қолдауға және дамытуға бағытталған 17 мемлекеттік бағдарламаның аясында жұмыс істейді. Біз мемлекеттің мұндай бастамаларына қатысуға әрқашан да дайынбыз. Әрине, пандемия кезінде, ТЖ режимі мен карантиндік шектеулерді енгізу аралығында біз бизнеске қаржылық көмек көрсету бойынша атқаралатын жұмысқа жедел түрде қосылдық.  Біз жеңілдіктік қаржыландырудың ШОБ-ге қалыптасқан жағдай кезінде шыдауға көмектесетін шынайы шара екендігін байқаудамыз. Сондықтан, біз бір мемлекеттік бағдарламаның қаражатын игерген соң да басқа бағдарламалардың аясында бизнесті ең тиімді шарттармен белсенді түрде қаржыландыруды жалғастырамыз" деп Банк ВТБ (Қазақстан) басқармасының төрағасы Дмитрий Забелло атап өтті.. 

Банк "Бизнестің жол картасы – 2025» аясында кәсіпкерлерді қолдауды жалғастыруда: ВТБ бұл бағдарлама арқылы 59 млрд теңге сомасына 525 жобаны субсидиялады, сондай-ақ, банк 1 948 млн теңге сомасына кепілдендіруге қатысты 190-нан астам жобаны құптады. Осы жылы "Бизнестің жол картасына" өзгерістер енгізілді, ол клиенттерге қаражатты жеңілдіктік шарттармен алу мүмкіндігін айтарлықтай жеңілдетті.

Шағын және орта бизнес – бұл ел экономикасының даму негізі және халық үшін жұмыс орындары, демек әлеуметтік тұрақтылық. Банк осындай күрделі кезеңде аталған кластерді қолдау үшін қолда бар барлық құралдарды қолдануда.

Жеңілдіктік кредит алуға қатысты сұрақтар бойынша ШОБ клиенттеріне арналған электрондық пошталық жәшікке [email protected] жүгінуге болады. Сондай-ақ, банктік қызмет көрсету мәселелері бойынша толық ақпаратты 8 (727) 330 47 00 жедел байланыс телефоны арқылы алуға болады немесе сайтта танысуға болады.

Соңғы жаңалықтар

Су үнемдейтін қондырғы

Технология • Кеше