Аймақтар • 07 Шілде, 2020

Алматыда мәйітхана маңына топталған тұрғындарға қатысты түсініктеме берілді

353 рет
көрсетілді
2 мин
оқу үшін

Бүгін Алматы қалалық патологоанатомиялық бюро жанына топталып жиналған тұрғындарға қатысты Алматы қаласы Қоғамдық денсаулық басқармасы келесіні хабарлайды.

Алматыда мәйітхана маңына топталған тұрғындарға қатысты түсініктеме берілді

Фото авторы: Максим Золотухин

"Құрметті қала тұрғындары, ең алдымен, марқұмдардың туыстары мен жақындарына көңіл айтамыз!", - дейді Алматы қаласы Қоғамдық денсаулық басқармасының ШЖҚ “Қалалық патологоанатомиялық бюро” КМК директоры Бақытжан Әлібеков, - Дүрлігу кейде 2-ден 10 адамға дейін туыстардың еріп жүруіне байланысты туындайды. Шынында да, жақынын жоғалтып, ауыр күйде жүргендіктен, бюро қақпасында дүрбелең, үрей, абыржу, у-шу орын алуда”.

Өз кезегінде Қалалық патологоанатомиядық бюро халықты қауіпсіздік шаралары мен карантин, санитариялық-эпидемиологиялық талаптарды сақтауға шақырады.

Қайтыс болғандардың денесі Қалалық патологоанатомиялық бюроға түскеннен кейін 12 сағат ішінде қайтарылады. Медициналық мекеме қайтыс болу себептерін анықтау және қайтыс болған адам жайлы сенімді деректер беру үшін мәйітті аталмыш ұйымға тапсырады. Бұл қосымша уақытты қажет етеді.

Барлық сұрақтар бойынша тұрғындар 246-62-70 байланыс нөмірі арқылы ақпарат ала алады.
“Қалалық патологоанатомиялық бюро” мәйіттерді беру жөнінде мобильді топ ұйымдастырды. Бұл топ қызметкерлері карантин режимін сақтау мақсатында көшеде (қақпаның жанында) қайтыс болған адамдардың мәліметтерін салыстырып, тіркеуді жүзеге асырып жатыр.

"Қала тұрғындарын коронавирус инфекциясының кезекте тұрған адамдар арасында жұғу қаупін болдырмау үшін, қашықтықты, маска тағу режимін сақтауға шақырамыз. Патологоанатомиялық бюро қызметкерлері туыстарына шығып, мәйітті беру тәртібі туралы хабардар етіп, түсіндіру жұмыстарын жүргізуде” – деді Алматы қаласы Қоғамдық денсаулық басқармасының ШЖҚ “Қалалық патологоанатомиялық бюро” КМК директоры Бақытжан Әлібеков.

Соңғы жаңалықтар

Су үнемдейтін қондырғы

Технология • Кеше