Аймақтар • 07 Шілде, 2020

Салт атты полицияның көмегі зор

286 рет
көрсетілді
1 мин
оқу үшін

Үстіміздегі жылдың мамыр айынан бері Петропавлдың Заречный және Новопавловка кенттеріндегі 17 саяжай массивінде атты полиция тәртіп қадағалайды. Бұл автомобиль мен жаяулар жете алмайтын жолдары қысаң әрі кедергілері көп алаптар. Ал атты полиция ондай жерлерге жылдам жете алады. Саяжайшылардың өсірген өнімдері мен мүлкіне көз алартушылар жиі кездеседі. Тіпті бұзақылық жасап, олардың дүниемүліктерін қиратып кетушілер де көп. Салт атты полиция осындайлардың еркінсуіне жол бермейді.

Салт атты полицияның көмегі зор

Патрульдік полиция батальоны кавалеристік бөлімінің командирі Жақсылық Көжелдақовтың айтуына қарағанда карантин кезінде салтатты полиция тұрғындарға оның тәртібін сақтауды да түсіндіріп жүреді. Соның ішінде адамдардың топталмауын, әлеуметтік қашықтықты сақтауын ескертіп отырады. Әсіресе, демалыс және мерекелік күндерде саяжайға келетін адамдар көбейіп, ішімдік ішіліп, тәртіп көп бұзылатын көрінеді. Сондайда байырғы саяжайшылар салтатты полицияның көмегіне көп жүгініп, тыныштық пен тәртіптің сақталуын қамтамасыз етуді өтінеді.  Ал жуырда "Ранет" саяжайшылар қоғамындағы үйлердің терезелерін шағып, жұрттың бәрін боқтап, лағаттап, қолындағы қаруымен жасқап жүрген бір дәу бұзақыға ешкім қарсылық көрсете алмаған. Ал шауып жеткен салт атты полиция бұзақыны бірден тәубесіне түсірген. Сосын қолына кісен салып, автопатрульге табыс екен.

Атты полицияның осындай қызметтеріне тұрғындар дән риза. "Осындай күзетшілеріміз болғанына қуаныштымыз. Біз олармен күн сайын кездесіп, амандасып жүреміз. Істеріне риза екенімізді де айтып отырамыз. Олар жүргенде біз өзімізді сенімді сезінеміз", дейді саяжайшылардың бірі Людмила Шадрина.

ПЕТРОПАВЛ

Соңғы жаңалықтар

Су үнемдейтін қондырғы

Технология • Кеше