Құрамында Сыбайлас жемқорлыққа қарсы іс-қимыл агенттігінің Түркістан облысы бойынша департаментінің уәкілі, аға офицер Ақтөре Талғатұлы , "Түркістан -адалдық алаңы" жобалық кеңсесінің менеджерлері, тауарлармен көрсетілетін қызметтердің сапасы мен қауіпсіздігін бақылау департаментінің уәкілдері, ҰЭМ "Бәсекелестікті қорғау және дамыту" Түркістан облысы бойынша департаментінің қызметкерлері және облыстық "Атамекен" Ұлттық кәсіпкерлер палатасының өкілдері бар арнайы жұмысшы топ дәріханалардағы дәрі-дәрмектердің бағасына зерделеу жұмыстарын жүргізді. Мониторинг барысында дәріханалардың бірінде кассалық аппараттың болмауы және дәрі-дәрмек бағасының негізсіз көтерілуі сынды бірқатар кемшіліктер анықталып, аталған олқылықтарды түзетуге қатысты жауапты мамандарға тапсырма берілді.
