"Біздің мемлекеттік комиссия маусымда бизнесті қолдау жоспарын қабылдады. Оның ішінде бизнес несиелері бойынша кейінге қалдыру тәртібі болды. Арнайы тәртіпті қаржы нарығын реттеу агенттігі 15 маусымда қабылдады. Қарыздар 90 күннен кем емес кезеңге қайта құрылымдау және кейінге қалдыру үшін банктер мен микрокредиттік ұйымдарға жеке тәртіппен жүгінуге болады", - деді вице-министр онлайн-брифингте.
Мәди Тәкиев арнайы комиссия отырысында бизнесті қолдау шарасы қаралғанын атап өтті. Айтуынша, несиені 90 күнге дейін кейінге шегеруге болады. Ол үшін әр адам банкке не қаржылық ұйымдарға жүгінуі керек.
