Науқастар Жылыой ауданынан көп анықталып отыр. Бұл ауданнан 2822 адам індетке шалдығыпты. Оның ішінде 2 063 жағдай Теңіз кенішіндегі кәсіпорындардың жұмысшыларынан расталыпты.
"Коронавирус инфекциясын жұқтырғандардың көбі – 20 мен 60 жас аралығындағы азаматтар. Оның ішінде 3 373 жағдай скрининг кезінде анықталды. Ал, 1 902 науқас қауіпті індетке шалдыққандармен жақын қарым-қатынаста болғандар. Қалғандарынан медициналық көмекке жүгіну кезінде белгілі болып отыр. Қазіргі уақытта аудандық және ауылдық жерлерде той-томалақ пен жаназаға жиналғандар да вирустың таралуына әсерін тигізді", - деді облыс әкімі Махамбет Досмұхамбетов тікелей эфирде өткен брифингте.
Қазір облыста коронавирус жұқтырған 6 156 науқастың арасынан 1 476 пациент ғана сауығып шықты.
