Аймақтар • 10 Шілде, 2020

Түркістандықтар қажетті дәрі-дәрмек жайлы "дәріханадан" біле алады

133 рет
көрсетілді
1 мин
оқу үшін

Түркістан өңіріне келетін туристер үшін іске қосылған "Amazing Turkistan" мобильді қосымшасын бүгінде 70 мыңға жуық адам пайдаланады. Енді бұл көрсеткіш еселене түсері анық.  Қазіргі жағдайды ескере, мобильді қосымша авторлары қала әкімдігімен бірге  "Дәріхана" бөлімін қосып отыр.

Түркістандықтар қажетті дәрі-дәрмек жайлы "дәріханадан" біле алады

Яғни түркістандықтар дәріхананың мекенжайын, дәрі-дәрмектің тізімі мен атауын, байланыс нөмірін қосымшадан таба алады. Сонда көрсетілген дәріхананы басу арқылы байланыс нөміріне өтіп, іздеген заты жөнінде мағлұмат алады. Қажетті дәрі-дәрмекке анкета толтыру арқылы сұраныс жасайды, ал ондағы азамат жайлы мәлімет 48 сағатта жойылатын жүйе де қарастырылған. Дәрі бағасының негізсіз көтерілуі сынды жағдайлар орын алған болса, "шағымдану" бөлімі арқылы  арыздануға мүмкіндік бар.

Наурыз айында іске қосылған "Amazing Turkistan" қосымшасының "Дәріхана" бөлімі арқылы қаладағы 136 дәріханамен байланыс жасап, ақпарат алуға болады. Қосымша авторлары алдағы уақытта тұрғындарға аса қажет болар бөлімдермен толықтыруды көздеп отыр.

 

Түркістан облысы