Кейбір сарапшылар мұнай бағасы алдағы уақытта тек өсетін айтып отыр. Northern Trace Capital хедж-қорының инвестициялар жөніндегі директоры Тревор Вудстың айтуынша, 2025 жылға қарай мұнай өндірушілердің қысымына қарамастан, оның бағасы барреліне 150 долларға жетуі мүмкін. Болашақта, көптеген сарапшылар айтып отырғанындай, мұнай бағасы сұранысты қанағаттандыру үшін жеткілікті отын өндіріп, энергетика саласына пайда әкелетін деңгейде белгіленуі керек.
Citigroup талдаушысы Эдвард Морзаның айтуынша, мұнайды жеткілікті мөлшерде өндіре алады, ал оның бағасы алдағы апталарда барреліне $50 долларына жетіп қалуы мүмкін.
Morz Stanley талдаушысы Мартин Ратц ОПЕК жағдайға әсер етуі мүмкін екенін айтады. Оның айтуынша, мұнайға деген сұраныс жоғарылаған кезде Сауд Арабиясы және басқа елдер нарықтағы үлесті және бағаны ұстап тұруды талап етуі мүмкін. Ал оның алдында Ресей Премьер-министрінің бірінші орынбасары Андрей Белоусов алдағы бірер айда мұнай бағасы 35-40 доллар аралығында болады деп болжаған болатын.
Ал РФ Энергетика министрлігінің басшысы Александр Новак 2020 жылдың екінші жартысында Brent маркалы мұнайдың бағасы 40-45 долларға дейін көтерілуі мүмкін екенін айтты.
