Бұл елге ғана емес, мемлекет басына да түскен сынақ секілді. Қиын жағдайларға қаншалықты дайын екенімізді көрсетіп берді. Әсіресе медицина жағындағы кемшіліктеріміз сорайып-сорайып көрініп қалғандай. Не десек те, халқымызға төтеннен келген бұл қиындықты еңсеруіміз керек. Биліктің айтқан шараларын қатаң сақтауымыз қажет. Байқауымша, оқшаулануды түсінбей жатқан қауым көп. Той-томалақ әлі де бар. Өз басым жақындарымның екі тойына тыйым салдым. Осы уақытта Алла бәрімізге сабыр берсін. Ақыл-парасатқа жүгінейік.
Марал ЫСҚАҚБАЙ,
жазушы
