![Тарихи мұраны зерттеуге кірісті](/media/2020/07/15/a5d4fb6b-36a0-4b4a-8277-39f749cce031-1000x_.jpg)
Ғылыми-зерттеу жұмыстарын анықтай отырып, нысанды қалпына келтіру, ашық аспан астындағы археологиялық мұражай ашу және Ұлы Жібек жолының солтүстік тармағы бойында орналасқан үлкен туристік нысан құруды мақсат еткен жобаға бүгінде жүздеген жалынды жасты тарту қарастырылып отыр. «Birgemiz: Asyl Mura» жалпыұлттық жобасы «Жас Ұлан» бірыңғай балалар мен жасөспірімдер ұйымы» РҚБ жауапкершілігінде.
Сырдария мен Жуалы алқабының орта ағысы, яғни Жамбыл облысының барлық Жуалы ауданы қаңлылардың байырғы иеліктері екені мәлім. Мұны археологиялық қазбалар да растайды, нәтижесінде осы өңірден қаңлы мәдениетінің өте қызықты және бірегей нысаны табылған.
Археологиялық жұмыстарға бірінші болып тарих факультетінде оқитын түркістандық студенттер барды. Олар әрі қарай археологиямен айналысу үшін бағыт алып, тәжірибе жинады. Қазір нысанда екінші топ жұмыс істеуде. Жалпы алғанда, нысанға 3 волонтерлік топ барады деп жоспарланған.
«Волонтерлердің археологиялық ғылыми-зерттеу жұмыстарына қатысуы өте маңызды, үлкен жұмыс. «Birgemiz: Asyl Mura» жалпыұлттық жобасы өте маңызды және өзекті жоба. Волонтерлер негізінен жастар, студенттер. Осындай жобалар арқылы жастар қазақ халқының шынайы тарихы туралы біледі. Оған өз үлестерін қосады. Қазақстандағы қаңлы тарихымен бірнеше археолог қана айналысады. Біздің экспедиция жастарға б.э.д. ІІ ғасырдан бастап үлкен уақыт кезеңін зерттеуге түрткі болмақ», дейді тараздық археолог, өлкетанушы, «Қазгеоархеология» ЖШС ғылыми ұйымының төрағасы Ескендірбек Торбеков.