Аймақтар • 15 Шілде, 2020

Әулиеаталықтарға көмек қолын созды

15 рет көрсетілді

Әлемді шарпыған коронавирус індетінің алдын алу мақсатында елімізде жұмыс істейтін бірқатар түрік инвесторы гуманитарлық көмек көрсетті.

«Tek-imas» компания­сы Жамбыл облы­сына 5 оттегі концентраторын жіберді. Аталған құрылғылар Тараз қала­­сын­дағы көпсалалы кли­ни­ка­лық ауру­хананың пуль­мо­нология бөлі­мі­не жеткізілді. Сондай-ақ «Orhun Medical» және «Yildiz Holding» ком­па­­ния­сындағы түрік инвесторлары қа­уіпті індетпен күрес кезінде еңбек етіп жүрген жамбылдық медицина қызметкерлеріне 450 қорғаныс киім жиын­ты­ғын алып бер­ді. Оның қа­та­­рында қор­ға­ныс жа­мыл­ғылары, қол­­ғап­тар, медициналық мас­ка­лар, қал­қан­дар және тағы да басқа заттар бар. Атал­ған гуманитарлық көмек «Air Astana» ұлт­тық әуе тасымалының тіке­лей қолдауымен елге жеткізіледі.

Қиын кезеңдегі шұғыл гумани­тар­лық көмегі үшін Тараз қалалық көп­бейінді клиникалық ауру­ха­на­сы­ның ұжымы түрік тарапына және Қазақ­с­танның Түркиядағы ел­ші­лігіне ри­за­­шылығын білдірді. «Жамбылдық дә­рі­герлер бауырлас ха­лықтың кө­ме­­гін риза­шы­лықпен қабылдап, мұны коронавирус індеті­мен күрес кезін­де ынты­мақ­тастықтың айқын көрінісі деп санайды. Көмек тек шетелден ғана емес, сонымен қатар жергілікті ұйымдардан да, жанашыр тұлғалардан да келуде», дейді Тараз қала­лық көпбейінді клини­калық ауру­ханасы бас дәрігерінің орынбасары Ербол Ордабеков. Әулиеаталық дәрігерлер Тараздағы «Эскулап» емдеу орталығының директоры Олег Ратниковқа NewPort HT-70 тыныс алу аппаратын тарту еткені үшін алғыс білдіреді. Сондай-ақ Тараз қала­лық көпбейінді клиникалық ауру­ха­на­сы­ның реанимация және пульмоно­ло­гия бөлімінің дәрігерлері мен ме­ди­циналық қыз­мет­керлері Ақылбек Садырбаев пен Бахром Муминов сияқ­ты жер­гі­лікті кәсіпкерлерге ыстық түскі ас ұйымдастырғаны үшін алғыс айта­ды. 

– Сонымен қатар бүгінгі таңда облыс әкімі Бердібек Сапарбаевтың тап­сыр­масы бойынша облыстық ден­сау­лық сақтау басқармасы нау­қас­тар үшін қосымша төсек да­йындап, дәрі-дәрмектер мен меди­ци­налық жаб­дық­тар сатып алуда. Бүгінде облыс­тың медициналық меке­ме­ле­рінде 70 от­тегі концентраторы бар. Ал осыдан бірер күн бұрын де­меушілер есе­бі­нен қо­сымш­а 11, жергілікті бюджет ар­қылы тағы 4 оттегі концентраторы сатып алынды. Облыстың меди­ци­н­алық мекемелері барлығы 146 өкпені жа­санды желдету аппаратымен қам­тыл­ған. Енді жуырда жергілікті және рес­пуб­ли­калық бюджет есебінен сатып алынған 62 өкпені жасанды желдету аппараты жеткізіледі.

 

Жамбыл облысы

Соңғы жаңалықтар

Ұлттық үрдістер үзілмейді

Қазақстан • Кеше

Пневмониядан 1 науқас қайтыс болды

Коронавирус • 10 Сәуір, 2021

Ұқсас жаңалықтар