Елорда • 15 Шілде, 2020

Алтай Көлгінов: Әр науқасқа медициналық көмек көрсетілуі керек

142 рет
көрсетілді
1 мин
оқу үшін

Нұр-Сұлтан қаласының әкімі Алтай Көлгінов емханалар мен ауруханалардың бас дәрігерлерімен, қаланың санитарлық дәрігерімен онлайн-кеңес өткізді, - деп хабарлайды Egemen.kz.

Алтай Көлгінов: Әр науқасқа медициналық көмек көрсетілуі керек

Әкім емханаларда амбулаториялық емдеуді күшейтуді, науқастарды бақылау барысында телемедицина құралдарын пайдалануды және тиісті деңгейде жедел көмек көрсетуді тапсырды. Сондай-ақ амбулаториялық емдеуді күшейту қажеттігін де атап өтті.

"Науқастардың 60%-дан астамы емханаларға жүгінеді. Мұнда амбулаториялық емдеуді күшейту өте маңызды. Аурудың алғашқы кезеңінде тұрғындарға барлық қажетті медициналық көмек көрсетілуі керек. Жұқпалы аурулар стационары дәрігерлері Covid-19-бен күресуде айтарлықтай тәжірибе жинады, деді елорда әкімі Алтай Көлгінов.

Қала басшысының айтуынша, олар телемедицинаны пайдалана отырып, кеңес беріп, емханалардың медициналық қызметкерлерімен тәжірибе алмасатын болады. Карантин кезінде жоспарлы емдеуге жатқызу уақытша тоқтатылды, мұнда науқастармен кері байланысты күшейту керек. Қажет болған жағдайда емдеуге жатқызған жөн. Шұғыл ауруханаға жатқызылатын жағдайды әрбір дәрігер бақылауда ұстауы тиіс. Үшіншіден, Денсаулық сақтау министрлігі мен СҚ «Фармация» бірлесіп, ауруханалар мен емханаларды қажетті медициналық жабдықтармен толықтыру бойынша жұмыстар жүргіземіз. Қамтамасыз ету мәселесі бақылауда болады.

Алтай Көлгінов: "Әрбір науқасқа сапалы медициналық көмек көрсетілуі, ауыр науқасқа шалдыққандар ерекше бақылауда болуы тиіс . Әр науқастың өмірі үшін соңына дейін күресу қажет", дейді қала әкімі.

Соңғы жаңалықтар

Су үнемдейтін қондырғы

Технология • Кеше