Оқиға • 15 Шілде, 2020

Kaspi.kz компаниясы 100 жедел-жәрдем машинасын сыйға тартады

50 рет көрсетілді

Отандық өндіруші "СарыарқаАвтоПром" емханалардың мобильді бригадаларына арналған санитарлық автокөлікті Chevrolet Damas үлгісінде және Денсаулық сақтау министрлігінің техникалық ұсыныстарына сәйкес әзірлейді, деп хабарлайды Egemen.kz

Осыған байланысты Kaspi.kz басшысы Михаил Ломтадзе былайша түсіндірме берді: ⁣"Денсаулық сақтау жүйесіне қаншалықты ауыр салмақ жүктелгенін бәріміз көріп отырмыз. Сондықтан біздің командамыз індетпен күрестің алғы шебінде жүрген дәрігерлерге көмек көрсетуді басты міндет деп біледі. Біз дәрігерлердің және Денсаулық сақтау министрлігі автомобильдердің жиынтықталуына қоятын талаптарын зерделей келе, Қазақстанда тез арада құрастырып, қысқа мерзімнің ішінде бүкіл еліміздегі профильдік медициналық мекемелерге жеткізуге болатын жедел-жәрдем машинасына қойылатын техникалық талаптарды әзірледік. Арнайы жиынтықталған алғашқы автомобильдер дәрігерлерге осы аптаның ішінде беріледі", дейді ол.

Ал Kaspi.kz директорлар кеңесінің төрағасы Вячеслав Ким:нің айтуынша, "СарыарқаАвтоПром” отандық көлік өндірушісімен бірлесіп, біз шетелде емес, Қазақстанның өзінде барлық қажетті құралмен жылдам жабдықтауға болатын модельді таңдаған. Мұндай автомобильдердің жалпы құны 1 миллиард теңгені құрайды. Қазір бір жеңнен қол, бір жағадан бас шығарып, бизнестің мемлекетпен бірге індетті жеңуге байланысты міндеттерді шешуге белсене ат салысатын кез екенін нақтылап өтті.

"Орын алған жағдайды ескере отырып, біз науқас адамдарды тасымалдауға қажетті барлық медициналық, санитарлық және бактерицидтік жабдықпен, оның ішінде портативті өкпені жасанды желдету аппаратымен, ЭКГ-аппаратпен, пульсоксиметрмен және дефибриллятормен жабдықталған машиналарды қысқа мерзімде дайындаймыз", дейді "СарыарқаАвтоПром" директоры Сырым Семейбаев. ⁣

Қазақстанның Денсаулық сақтау министрлігінің деректеріне сәйкес, елімізде күн сайын шамамен 1400 бригада жедел медициналық көмекпен қамтамасыз етеді, олар 26 000 шақырту қабылдайды. Министрлік өкілдерінің айтуынша, бұл жедел жәрдем қызметіне және қазіргі инфрақұрылымға айтарлықтай салмақ түсіреді.

Соңғы жаңалықтар

Ұстаз жолы

Руханият • Бүгін, 16:00

Ұқсас жаңалықтар