Аймақтар • 15 Шілде, 2020

Түркістан облысындағы ауруханаларда 20 күнге жеткілікті дәрі-дәрмек қоры бар

170 рет
көрсетілді
2 мин
оқу үшін

Дегенмен бұл қор апта сайын толықтырылады. Яғни, дәрі-дәрмек тапшылығы болмайды, деп хабарлайды Egemen.kz.

Түркістан облысындағы ауруханаларда 20 күнге жеткілікті дәрі-дәрмек қоры бар

Мәселен, өткен аптада гуманитарлық көмек ретінде өңірге 48 мың дана қорғаныс киімдері мен қолғап келді. Одан кейін Өзбекстан мемлекетінен 100 млн теңгеге 1,5 млн құтыдан астам пандемияға қажетті дәрілер жеткізілді. Одан бөлек Алматы қаласынан 2 тонна дәрі-дәрмек келген. Олар ең әуелі облыстағы ауруханалар мен емханаларға таратылып берілуде.

Өңірлік коммуникациялар қызметінде өткен брифингте осындай деректерді келтірген облыстық Қоғамдық денсаулық басқармасының басшысы Марат Пашимов қазіргі таңда науқастар арнайы протокол бойынша ем қабылдап жатқанын мәлімдеді. Сондай-ақ дәрілердің келуін және тиісті мекемелерге дұрыс таратылуын, дәріханаларда белгіленген бағада сатылуын қадағалайтын арнайы штаб құрылғанын жеткізді. Қазір күнделікті қоймадан дәрілердің ауруханалар мен дәріханаларға үлестіру, сондай-ақ сатылу бағасына мониторинг жұмыстары жүргізілуде. Осы аптаның соңына дейін өңірде 22 түрлі дәрі-дәрмектің 128 мыңнан астам данасы дәріхана сөрелеріне сатылымға шығады. Бұдан бөлек, шілде айының 20-нан кейін Түркия елінен облысқа 41 түрлі еуропалық сапасы жоғары дәрілік заттар жеткізіледі. Облыстағы дәрі-дәрмек жетіспеушілігін жою мақсатында өткен аптада Түркістан қаласына 136 түрлі 2 тонна дәрі-дәрмек келсе, бүгін 20 млн теңгеге 140 түрлі дәрілік препараттар жеткізілді. Дәріханаға түскен дәрілер шекті бағамен сатылады. Облыс әкімінің орынбасары Сәкен Қалқаманов бұл процесті арнайы мониторингтік топ бақылайтынын айттыАталған дәрілер жергілікті әкімдіктермен Меморандумға отырған 153 дәріханаға таратылады. Меморандумда әкімдік пен дәріхана міндеттемелері айқын көрсетілген.

Бүгінгі күнге дейін облыста КВИ инфекциясымен тіркелген азаматтар саны – 2341, оның ішінде ауруханада жатқаны 196, жазылғандар – 868. Өзгелері амбулаторлық ем алуда. Қайтыс болғандар саны – 22 адам. Пневмониямен ауырып жатқан азаматтар саны – 5400, жазылғандар  – 4200, ал 1200 науқас ем қабылдауда. Қайтыс болғандар саны – 56.

Соңғы жаңалықтар

Су үнемдейтін қондырғы

Технология • Кеше