Куәгерлерден 20-ға жуық қоңырау келіп түсті. Өрт сөндірушілер келгенде көп салалы әкімшілік ғимараттың (супермаркет) шатыры өртеніп жатқанын анықтады.
Жедел түрде штаб жұмысы мен 3 әскери учaске құрылды. Газ-түтіннен қорғау қызметімен адамдардың бар жоғына барлау жүргізілді, өртті сөндіру үшін өрт оқпандары жіберіліп, әрқайсысы 50 л болатын 3 газ баллондары сыртқы шығарылды. Қысқа уақытта көк жалынның жеке тұрғын үйлерге таралу қаупі жойылды.
"Алматы Су" мекемесінің техникаларымен үздіксіз су жіберу қамтамасыз етіліп, Наурызбай аудандық Полиция басқармасымен өрт периметрін қоршау жұмыстары ұйымдастырылды. Өрт 19 сағат 21 минутта (47 минуттың ішінде) cөндіріліп, бірінші өрт сөндіру есептері келген 59 минутта толықтай жойылды.
Қабылданған шаралардың арқасында супермаркеттің бірінші қабатына, мейрамхананың салтанат залына және азық-түлік тауарлары сақталған қоймаға көк жалынның таралуына жол берілмеді. ТЖД жеке құрамынан, Полиция департаменті мен өзара жедел әрекет ету қызметтерінен 76 адам мен 22 бірлік техника жұмылдырылды. Зардап шеккендер мен қайтыс болғандар -жоқ.
