Оқиға • 20 Шілде, 2020

Қымыз бен дәрі тегін таратылды

345 рет
көрсетілді
1 мин
оқу үшін

Мамандар қымыздың иммунитетті көтере­тінін, сондықтан әлемді дүрліктіріп жатқан коронавирусқа қарсы шараның бірі осы қазақтың ұлттық сусыны екенін айтуда. Саумалдың өз қасиеті, ашып үлгермеген қымыздың өз әсері, ашыған қымыздың өз ерекшелігі барын да ескертуде.

Қымыз бен дәрі тегін таратылды

Қымыздың құдіретін жақсы білетін Төле би ауданының Жастар ресурстық орталығы мамандары мен еріктілері ауруханада жатқан науқастарға 300 литр саумал-қымыз бен әлеуметтік жағдайы төмен отбасыларға дәрі таратты.

Аудандық Жастар ресурсттық орталығының басшысы Пердебек Сержанұлы: «Дертке дәру, жанға шипа болсын деп саумал және қымыз тараттық. Қазір үш ауруханада 123 науқас бар екен, әрқайсысына үлестірдік. Алдағы уақытта да осы үрдісті жалғастырмақ ниетіміз бар. Өйт­кені ем ретінде жүйелі пайдалану науқасқа оң әсер етеді деп сенеміз», дейді. Сонымен қатар демеушілердің қолдауымен 500 дана парацетомол дәрісі аудан орталығындағы дәріханалар алдында тұрғындарға тегін таратылды. Оның 100 данасы Леңгір қалалық ауруханасына берілді.

Ал Созақ ауданында жергілікті кәсіпкер Ба­зарбай Нұрланов ауруханаға 2 тыныс алу ап­паратын сыйлады. Бұл оттегі концентраторы Шолаққорғандағы орталық және Таукент кен­тіндегі ауруханаларға табыс етілді. Сондай-ақ Сайрам ауданының кәсіпкерлері 5 млн тең­ге кө­ле­мінде қаржы жинап, оның 3,5 млн теңге­сіне 19 «Бобров» медициналық тыныс алу құрыл­ғыларын сатып алған. Өкпе қабынуына, коронавирус індетіне шалдыққан науқастарға аса қажетті құрылғылар аудандық орталық ауруханаларға орнатылды.

 

Түркістан облысы