Пікір • 21 Шілде, 2020

Біз біржүректілікпен ғана жеңеміз

52 рет көрсетілді

Жуырда ел басшысы Қасым-Жомарт Кемелұлы Тоқаев тиісті орындарға жандарың шығып кетсе де тәжвирус пен пневмонияның статистикасын біріктіріңдер деп пәрмен беріпті. Міне, бұл жаңа биліктен біз күткен жақсы жаңалық. Шындыққа шімірікпей қараған басшы ғана қиындықты еңсере алады.

Менің білуімше, Тоқаев – қолы таза адам. Жаны, ары таза, антына адал адамдардың ғана қолы таза болады. Осынша батпақты кешіп жүріп, ділін, қолын былғамаған сондай адам­ның бізге басшы болып келуінің өзі қазаққа Алла тағаланың оң назарын салға­нының басы деп білемін.

Кім не десе, о десін, бұл менің өз пайымым! Менің де ешкімге жағынып, тіленіп өмір өткізбегенімді елім, тіпті болмаса, Жаратушы Ием біледі! Бұрыннан сіресіп тоңған тоң мен сыңысып қалған сеңді қозғау оңай емес. Бұл нарды жығып, пілді бүгіп кетерлік аса ауыр іс! Одан елдің бірлігі мен ердің тірлігі ғана құтқарады. Сол жолда мынау тығырық халді, ел көңілінің алаңын, қоғамның ауанын пайдаланып арзан атақ алып қалуға ұмтылуды тоқтатқанымыз
жөн!

Әр жерден әулікпей, жүмілаға төнген қасіретті Алланың сы­на­ғы, тіпті керек десе, бізді тәу­беге шақырған мейірімі деп қа­был­дап, ниетімізді түзейік! Дұға­мызды дуалы ауыздан шы­ғарайық! Біржүректілікке жетсек, біз жеңбейтін індет жоқ. Бұл – бұрынғы дін де, бүгінгі ғылым да дәлелдеп отырған ақиқат!

Сондықтан қиын да сындарлы кезеңде ел болып ел басшысына жәрдемдесейік! Тоқаевтың жанында тоқайласайық! Санам­ды сан сапырып менің тапқан ақылым – осы!

 

Светқали НҰРЖАН,

ақын, «Құрмет» орденінің иегері

 

Маңғыстау облысы

 

Соңғы жаңалықтар

Құрттың ішінен есірткі табылды

Аймақтар • Бүгін, 09:43

«Астана» көш бастады

Спорт • Бүгін, 09:40

Шекарашы сарбаздар ант қабылдады

Қазақстан • Бүгін, 09:20

Жартылай финалда сүрінді

Теннис • Бүгін, 07:56

Көкпар – ұлттық мінез

Руханият • Бүгін, 07:50

Ақ үйдің алғашқы мейманы

Әлем • Бүгін, 07:38

Ескі үйлерді есіркеген жоба

Аймақтар • Бүгін, 07:33

Рамзайдың «жұмбағы»

Сұхбат • Бүгін, 07:13

Нар тұлға

Руханият • Кеше

Екпе салдыру өзекті

Медицина • Кеше

Ақ үйдің алғашқы мейманы

Әлем • 17 Сәуір, 2021

Ұқсас жаңалықтар