Елордалық ҮЕҰ дәрі-дәрмек бағасына мониторинг жүргізді

Елорда • 22 Шілде, 2020

Елордалық ҮЕҰ дәрі-дәрмек бағасына мониторинг жүргізді

15 рет көрсетілді

Қоғам белсенділері азаматтарды коронавирус инфекциясының таралуын болдырмау үшін санитарлық нормаларды сақтауға шақырды. Бұл туралы Нұр-Сұлтан әкімдігінің ресми сайты хабарлайды, деп жазады Egemen.kz

Айым ДӘУІТ

Елордалық үкіметтік емес ұйымдар (ҮЕҰ) қала дәріханаларындағы дәрі-дәрмек бағасына қоғамдық мониторинг жүргізді. Мақсат – пневмония мен коронавирус инфекциясын емдеуде қажет дәрі-дәрмектерге шекті рұқсат етілген бағаның көтерілуіне жол бермеу.

"Бүгін біздің қоғамдық бірлестіктің, "Даму" қауымдастығының өкілдері, "Камеда" ҚҚ еріктілері, жергілікті атқарушы органдардың өкілдері қала дәріханаларында болды. Мониторинг және рейд кезінде біз дәріханалардағы дәрі-дәрмектердің қол жетімділігі мен бағаларын бекітілген атаулар бойынша қарастырамыз. Оларға дене қызуын төмендететін, антикоагулянттар, антибиотиктер, вирусқа қарсы дәрі-дәрмектер кірді. Біз үшін, қоғам белсенділері ретінде, азаматтардың дәрі-дәрмектерді қолжетімді бағамен сатып алуы өте маңызды", дейді "Рухани қоғам әлемі" қоғамдық бірлестігінің төрағасы Лимана Койшиева.

Мониторинг барысында қоғам белсенділері азаматтарды коронавирус инфекциясының алдын алу үшін санитарлық нормаларды сақтауға шақырды. Хабарланғандай, Нұр-Сұлтанда дәрі-дәрмек бағасын негізсіз көтергендермен күрес күшейді.

Дәрі-дәрмектің бағасы қымбаттағаны анықталса, азаматтар іKOMEK 109 бірыңғай байланыс орталығына, сондай-ақ +7 775 160 55 32 WhatsApp нөміріне хабарлама жіберуіне болады. Үкімет пен елорда әкімдігі дәрі-дәрмектерді сатып алу мен әкелу рәсімдерін жеңілдету, логистика бойынша қолдау көрсетуде.

Сонымен бірге, қалалық прокуратура, полиция департаменттері, мемлекеттік кірістер, экономикалық тергеу, фармацевтикалық бақылау қызметкерлерінен тұратын мобильді топ дәрі-дәрмекпен алыпсатарлық фактілерін болдырмау үшін күнделікті жұмыс істейді. Атап айтқанда, I-teka қосымшасын қолдана отырып, әлеуметтік желілердегі (Instagram, Facebook, telegram, WhatsApp) хабарламаларды зерделеу арқылы бағалар үнемі қадағаланады.

Күннің маңызды және өзекті жаңалықтарын «Егемен Қазақстан» телеграм каналынан оқыңыз