Аймақтар • 23 Шілде, 2020

Алматыда қаза мен кеселден пайда тапқандар жазасын ала бастады

213 рет көрсетілді

Біз бұған дейін де пандемия кезінде халықтың қаралы қасіреті мен шарасыздығынан пайда табуға ұмтылғандар, қазір аса қат болып тұрған дәрі-дәрмектерді алыпсатумен айналысып жүргендер жайлы мәселе көтерген едік, - деп хабарлайды Egemen.kz

Бүгін осы мәселеге байланысты Алматы  әкімі төмендегідей мәлімдеме жасады.

Қала әкімінің айтуынша, полицияға зират қызметкерлерінің заңбұзушылығын айтып, 8 адам жүгінген. Зират қызметкерлері оларды бекітілген сомадан бөлек 70-80 мың теңге төлеуге мәжбүрлеген. Қазір осы іс бойынша 2 адам ұсталды. "Қалада медициналық заттар мен дәрі-дәрмек бағасын шарықтатқан алыпсатарлар ұсталды. Олар ең қажет бұйымдарды көтерме бағамен көп мөлшерде сатып алған. Сосын интернет арқылы хабарландыру берген. Қалалық полициямен біріге отырып, клиент ретінде хабарласып, кездесуден соң оларды әшкерелеумен айналыстық. Осылайша 8,5 млн теңгеге дәрі-дәрмек тәркіледік", - деді әкім.

Заңсыз дәрі саудасының жолын кесу үшін полиция, экономикалық тергеу департаменті, тауарлар мен қыметтердің сапасы мен қауіпсіздігін қадағалау департаментінің мамандарынан мобильді топ құрылды. Бұл топ 100-ге жуық жуық құқықбұзушылықты анықтады. Оның 24-і бойынша қылмыстық іс қозғалды. 986 қаптама "Левоцин", "Ингавирин", "Фраксипарин", "Азитромицин", 8,5 млн медициналық маска тәркіленді. 39 адам әкімшілік жауапершілікке тартылды.

Соңғы жаңалықтар

Ескерусіз кеткен есіл ер

Таным • Бүгін, 12:50

Қилы-қилы тағдырлар

Тарих • Кеше

Бір шаңырақтан – үш майдангер

Руханият • 08 Мамыр, 2021

Қазақ дегеніміз – Бауыржан...

Руханият • 08 Мамыр, 2021

505-ші түрменің тұтқындары

Тарих • 08 Мамыр, 2021

Ұқсас жаңалықтар