Аймақтар • 24 Шілде, 2020

Емханаларда құрылған мобильді топ 15 мың науқасқа қызмет көрсеткен

8 рет көрсетілді

Шымкент қаласында жедел-жәрдем қызметінен бөлек мобильдік топ тәулік бойы қызмет көрсетіп келеді. Емханалар жанынан құрылған 58 мобильді топ бүгінгі күнге дейін 15000 науқасқа үйге арналған медициналық көмек көрсеткен. Бұл туралы бастапқы медициналық санитарлық көмек көрсету тобының жетекшісі, №5 емхананың бас дәрігері  Жібек Сейдалина мәлімдеді, - деп хабарлады Egemen.kz.

Мобильді топ жетекшісінің айтуынша, шақыртулардың басым бөлігі салқын тию, дене қызуының көтерлуі, құрғақ жөтелге байланысты болған. 

"Екі ауысыммен жұмыс істейтін медицина мамандары бір күнде 15-тен астам науқасты қарайды және телефон арқылы кеңестер береді. Дәрігерлер пациенттің үйіне барысымен дене қызуын өлшеп, тамағын қарап, өкпесін тыңдайды. Егер науқастың жағдайы ауыр халде болса, кезекші ауруханаға жеткізеді. Сонымен бірге, мобилді бригада қызметімен диспансерлік есепте тұратын 38 556 азаматқа дәрі-дәрмек үйлеріне жеткізілді", - деді Жібек Сейдалина. 

Бұдан бөлек, мобильді бригада диспансерлік есепте тұрған 474 444 азаматқа қоңырау шалып, жұқпалы аурудың алдын алу бойынша кеңестер берді. Атқарылған жұмыстар қаладағы эпидемиологиялық жағдайдың жақсаруына өз әсерін тигізген.

Соңғы жаңалықтар

Шәміл

Тарих • Кеше

ZOOM акциялары қымбаттады

Технология • Кеше

Ұқсас жаңалықтар