Аймақтар • 27 Шілде, 2020

Қостанайда шағын бизнеспен айналысатын 36 нысанға айыппұл салынды

268 рет
көрсетілді
1 мин
оқу үшін

Айыппұл арқалағандар қатарында суда дүкендері, қоғамдық тамақтану орындары, тойханалар мен компьютерлік клубтар бар, деп жазады Egemen.kz

Қостанайда шағын бизнеспен айналысатын 36 нысанға айыппұл салынды

Өткен сенбі-жексенбі күндері аймақта карантин талаптарының сақталуын қадағалауға 91 мониторингтік топ шығып, 395 нысанды тексерді. Нәтижесінде шағын бизнеспен айналысатын 35 нысанның санитарлық-дезинфекциялық режімді бұзғаны анықталып отыр. Тәртіп бұзушыларға жалпы сомасы 1 млн 511 мың теңге болатын айыппұл салынды. Бұдан өзге 6 іс сот қарауында жатыр.

Атап айтқанда, Қостанай қаласында локдаун режімі кезінде 28 нысан тексеріліп, 6 тәртіп бұзушылық анықталды. Шектеу қойылғанына қарамастан жұмысын тоқтатпаған "Лотоклуб" компьютер клубына, "Сауле" және "Нур-Эль" дүкендеріне, "Технодом" сауда желісіне, "First" кафесі мен М.Дулатов көшесіндегі тойханаға әкімшілік хаттама толтырылды. Сондай-ақ Рудный қаласында 11 нысанның локдаун талаптарын бұзғаны анықталды.

Кеншілер қаласындағы 6 дүкенде сатушылар маскасыз және қолғапсыз қызмет көрсеткені үшін жалпы сомасы 333 мың теңге болатын 8 айыппұл салынды. Меңдіқара ауданындағы 8 нысан да нақ осындай сомада айып арқалады. Ал Федоров ауылында "Иволга КST-Трейд" ЖШС әкімшілік жауапқа тартылып, 208350 теңге айыппұл арқалады.