Маусым қорытындысы бойынша, чемпионаттың үздік сұрмергені атанған Джейми Варди «Алтын бутсы» иегері атанды. 33 жастағы «Лестер» шабуылшысы биылғы біріншілікте 23 гол соқты. Екінші және үшінші орынды 22 гол соққан «Арсенал» шабуылшысы Пьер-Эмерик Обамеянг пен «Саутгемптон» өкілі Дэнни Ингс бөлісті.
«Алтын қолғап» марапаты «Манчестер Сити» клубының қақпашысы Эдерсонға табысталды. Бразилиялық қақпашы биылғы маусымда жалпы саны 35 ойын өткізіп, 16 матчта қақпасына бірде-бір гол өткізбеген. Кейінгі орынды 15 матчта қақпасын құрғақ сақтаған «Бернли» қақпашысы Ник Поуп иеленді. Сондай-ақ «Манчестер Ситидің» тағы бір футболшысы Кевин Де Брюйне арнайы марапатқа ие болды. Бельгиялық жартылай қорғаушы 35 матчта әріптестеріне 20 мәрте нәтижелі пас асырып, маусымның үздігі атанды.
Айта кетейік, чемпионатта «Ливерпуль» клубы мерзімінен бұрын чемпион атанып қойған еді.
