Рейд барысында полицейлердің көзінше аялдама маңында қоқыс төккен 1963 жылы туған саяжайшыға қатысты әкімшілік хаттама толтырылды.
Полицейлер саяжайшылар арасында бірауыздылықтың жоқ екендігіне де көз жеткізді. Біреулері қоқыс салатын бактардың жоғын сылтау етсе, басқа біреулері жауапкершілікті көрші саяжайшылар қоғамына аудара салғысы келеді. Үшіншілері бұл мәселені өздері емес, басқа біреудің шешуін күтуде. "Әр саяжай қоғамы кез келген коммуналдық кәсіпорынмен қоқыс шығаруға шарт жасап, қоқыс салатын бактарды орналастыруы қажет. Бұл жазаға тартылу қаупінен құтылып, саяжай алаптарында тәртіпті сақтауға септігін тигізеді. Жергілікті полиция қызметінің қызметкерлері алдағы уақытта да саяжай қоғамдастықтары аумағында тәртіптің сақталуын қадағалайтын болады", - дейді Петропавл қаласы ПБ ЖПҚ бөлімі бастығының орынбасары, полиция подполковнигі Айдын Ақмағамбетов.
Осыған ұқсас мәселелер "Солнечный" және "Борки" кенттерінде де байқалуда.Жыл басынан бері Петропавл аумағында тазалық сақтамағаны үшін салынатын айыппұл 641 рет қолданылған. Полицейлер осындай бұзушылықтарды анықтау және алдын алу бойынша жұмысты тұрақты жүргізуді жалғастыратын болады.
