Аймақтар • 29 Шілде, 2020

Атырауда Шымкентке бағыт алған автобустар тоқтатылды

448 рет көрсетілді

Облыстық полиция департаменті мен  Көлікті бақылау инспекциясы қызметкерлерінің бірлескен рейді кезінде екі автобустың жүргізушілері ұсталды. Олар Шыкентке жолаушыларды жеткізуге уәде берген, - деп хабарлайды Egemen.kz.

"27 шілдеде Атырау қаласындағы Береке ықшамауданында «Атырау-Шымкент» бағытына жолаушылар  тасымалдайтын автобус тоқтатылды. Тексеру кезінде  36 жолаушысы бар автобус жүргізушісі карантиндік шектеулерге қарамастан, жолаушылар тасымалымен айналысқан. Сол күні кешкі сағат 20:15 шамасында «Атырау-Орал» тас жолы бойында тағы бір автобус тоқтатылды. Автобус салонындағы 30 жолаушы  Шымкент қаласына бағыт алғаны анықталды", - деп хабарлады облыстық полиция департаментінің баспасөз қызметі.

Карантиндік шектеулерді  бұзған автобус жүргізушілеріне қатысты ҚР Әкімшілік құқық бұзушылық туралы Кодексінің 590-бабы  (Көлiк құралдарын пайдалану қағидаларын бұзу), 571-бабы (Жолаушыларды, багажды және жүктерді тасымалдау қағидаларын бұзу), 572-бабымен (Жолаушыларды, багажды немесе жүктерді автомобильмен тасымалдауды жүзеге асыру кезінде жүргізушілердің еңбек және демалыс режимінің бұзылуы) әкімшілік хаттамалар толтырылды. Сондай-ақ, автобус жүргізушілерінің біріне ҚР Әкімшілік құқық бұзушылық туралы Кодексінің 230-бабымен (Қазақстан Республикасының мiндеттi сақтандыру туралы заңнамасын бұзу) хаттама рәсімделіп, көлік айыппұл тұрағына қойылды.

 

Соңғы жаңалықтар

Адасқан балалар аман-есен табылды

Аймақтар • 07 Тамыз, 2020

Ұқсас жаңалықтар