Аймақтар • 28 Шілде, 2020

Павлодар облысында әлеуметтік дүкендер саны 300-ден асты

0 рет көрсетілді

2020 жылдың соңына дейін  400-ге жеткізу жоспарланып отыр, деп хабарлайды Pavlodarnews.kz тілшісі.

Бұл туралы өңірлік коммуникациялар қызметі онлайн форматта  өткізген баспасөз мәслихатында облыстық кәсіпкерлік және сауда басқармасының басшысы Жайық  Хасанов  айтты. 


- Бүгінгі таңда әлеуметтік дүкендер саны 100-ден 302 дейін артты, - дейді Жайық Хасанов. - Қазір бұл дүкендердің әрқайсымен әлеуметтік-кәсіпкерлік корпорация жұмыс істейді. Өтініштер  бойынша оларға арзан бағамен өнім ұсынамыз. Бағаны 10 пайыздан асырмау жөнінде  әкімдік, әлеуметтік-кәсіпкерлік корпорация және дүкен тарапынан үш жақты меморандумға қол қойылды. 


 Сондай-ақ басқарма басшысы екі ай бұрын тұрақтандыру қорынан 1 млрд теңге бөлінгенін айтып өтті.


- Оның 500 млн теңгесі тауарлы интервенцияға бағытталса,  500 млн теңге – заем, - дейді спикер. - Кәсіпкерлер мен  ауыл шаруашылығы тауар өндірушілеріне  бағаны ұстап тұру мақсатында 0,01 немесе 3 пайызбен  алты айға немесе бір жылға  ұсынылады. Қазіргі таңда Павлодар облысында  24 дүкені бар «Инмарт» сауда желісімен жұмыс жүргізілуде. Олар бағаны үшінші, төртінші тоқсанда  10 позиция бойынша ұстап тұрады.  

Соңғы жаңалықтар

Сора еккен тұрғын тергелуде

Аймақтар • Бүгін, 16:33

Ұқсас жаңалықтар