Карантин талаптарын сақтамағандарға айыппұл салынады

Аймақтар • 03 Тамыз, 2020

Карантин талаптарын сақтамағандарға айыппұл салынады

59 рет көрсетілді

Ел аумағында карантин енгізілгелі дәрігерлердің көмегіне жүгінушілер саны азая бастаған. Сондықтан, карантин талаптарын қатаң сақтау қажет. Бұл туралы баспасөз мәслихатында дәрігерлер айтып өтті.

Ғалымжан ЕЛШІБАЙ

Қалалық тауарлар мен көрсетілетін қызметтердің сапасы мен қауіпсіздігін бақылау басқармасының басшысы Ғазиза Аханбайқызы Кентау қаласы аумағындағы коронавирус инфекциясымен науқастанушылар саны азайғандығын жеткізді.

– Эпидемиологиялық жағдай қолайсыз. Өкінші орай, өлім жағдайы тіркелді. Карантин ережелерінің сақталмауынан ауруда асқынып кетті. Барлық ошақтарда дизенфикциялау жұмыстарын жүргіздік. Үй карантиніндегі науқастар емхана тарапынан бақылауда. Індеттің алдын алу үшін бас санитардың қаулысына сәйкес карантин эпидемиялогиялық жағдай тұрақталғанға дейін ұзартылып отыр, – деді ол.

Ал, қалалық емхана бас дәрігерінің орынбасары Әлия Андабасова емхана тарапынан пневмония белгілері бар науқастарды анықтау мақсатында 32 арнайы мобильді топ құрылғандығын айтып өтті. Дәрігерлер мен медбикелер денсаулығына байланысты шағымданған тұрғындарға көмек керсетуде.

– Барлық керекті дәрі-дәрмек жеткілікті. Күндізгі стационар таңғы 8-ден кешкі 20/00-ге дейін жұмыс істеуде. Емхананың құрамында 150 орындық провизорлық орталық ашылды. Бүгінге дейін 400-ден астам адам емделдіп шықты. Қазір 150 науқас ем қабылдауда. Үйде ем алушылар аймақтық дәрігерге қоңырау соғып, шақыртуына болады. Қалада 6 бригада жұмыс істеуде. Онда дәрігерлер үйге барып, қажетті көмегін береді. Ал, қала аумағында 32 мобилді топ құрылған. Яғни, ауылдарда да жұмыс жасалып жатыр, – деді Әлия Андабасова.

Қалалық орталық ауруханадағы жағдай да тұрақтала бастаған. Алдын күніне 50-60 адам жедел жәрдеммен жеткізілсе, қазір бұл көрсеткіш 10/15-ке дейін азайған.

Қаладағы жұқпалы аурулар ауруханасында ковид инфекциясы анықталған 7 әйел аман-есен босанып шыққан. Қазір ана мен балалардың жағдайлары жақсы.

Бұл туралы аурухананың бас дәрігері Гүлбану Жұмағалиқызы кеңінен баяндады.

– Қала тұрғындарын карантин талаптарын қатаң сақтауға шақырамыз. Дәрілер толығымен жеткізілді. Қазір екі айға жететін дәрі-дәрмек қоры бар. Тұрғындар тек талаптарды қатаң сақтауы керек. Сол кезде ғана бұл індетті толық жеңіп шыға аламыз. Қазір емханадан, "Жансая" шипажайынан дәрігерлер көмекке келіп, ауруханада кезекшілікке түсіп жатыр. Баршамыз біргелікті жұмыс істеудеміз, – деді Гүлбану Жұмағалиқызы.

Брифинг барысында дәрігерлер қажетті кеңестерін айтып, санитарлық тазалықты сақтау керектігін жеткізді. Көп сұйықтық ішіп, құнарлы тағамдар жеу қажеттігіне тоқталды. Әр адам өз денсаулығын ойлап, қашықтықты сақтап, қолды жуып жүруі керек. Бетперде тағу міндетті. Әлеуметтік желілер арқылы келген видеоларға емес, нақты дәрігерлердің кеңесіне жүгінген дұрыс.

Ал, карантин талаптарын сақтамағандарға жаза қатаңдатылып отыр. Үлкен көлемде айыппұлдар салынбақ.