Аймақтар • 04 Тамыз, 2020

Полицейлер "Квадрат" профилактикалық шарасын өткізді

293 рет
көрсетілді
1 мин
оқу үшін

Қызылорда облысы Арал аудандық полиция бөлімінің қызметкерлері аудан аумағында "Квадрат" әдісі бойынша профилактикалық жұмыстар жүргізді, деп жазады Egemen.kz

Полицейлер "Квадрат" профилактикалық шарасын өткізді

Шара аясында құқық бұзушылықтың алдын алу үшін көше патрулінің жұмысын күшейтіп, бөлім есебінде тұратындарды және қару иелерін тексеру   жүргізілді. Сонымен қатар тұрғындарға бұзақылық, бөтен мүлік қылмысының алдын-алу мақсатында түсіндірме жасалды. 

Тұрғындардың мекен-жайларын аралау кезінде осы әкімшілік аймаққа жауапты учаскелік полиция инспекторларының аты-жөндері, қызметтік және ұялы байланыс телефондары көрсетілген визиткалар таратылды. Профилактикалық шара барысында тұрғын үйлердің аулаларында мас күйінде жүрген 5 азамат анықталып, уақытша бейімдеу орталығына орналастырылды. Оларға қатысты Әкімшілік құқық бұзушылық туралы кодекстің 440-бабына сәйкес әкімшілік хаттамалар толтырылды.

Сонымен қатар, ел аумағында тіркеусіз немесе жеке басын куәландыратын құжатсыз тұрудың 25 дерегі, ортақ пайдаланылатын орындарды ластаудың 2 оқиғасы, түнде тұрғын жайдан тыс жерде жүрген 2 жасөспірім анықталып, олардың ата-аналарымен профилактикалық әңгімелесу өткізілді.

Аталған бағыттағы жедел профилактикалық іс-шаралар алда да жалғасады