Қоғам • 07 Тамыз, 2020

43 мыңнан аса адам зейнетке шықты

26 рет көрсетілді

Биылғы 7 айда 43 453 қазақстандық жасына байланысты зейнетақының тағайындалуына өтініш білдірді. Айта кетейік, өткен жылдың дәл осы кезеңінде 41 мыңнан аса азамат зейнетке шыққан.

Зейнеткерлікке шыққан­дардың арасында Алматы (5 мыңнан астам), Түркістан (4,5 мыңнан астам) және Шығыс Қазақстан (3,8 мыңнан астам) облыстарының тұрғындары көп. Ең төменгі көрсеткіш Атырау облысына тиесілі, онда 7 ай ішінде 1295 тұрғын зейнеткерлікті рәсімдеген.

Еске салсақ, жасына байланысты зейнетақы төлемдерін тағайындау туралы өтінішті зейнет жасы толғанға дейін 10 күн бұрын «Азаматтарға арналған үкімет» мемлекеттік корпорациясының фронт-офисі арқылы беру керек. ХҚО-ға бару үшін алдымен egov.kz порталы немесе eGovKzBot2.0 телеграм-боты арқылы кезек уақытын брондау қажет. Сондай-ақ коронавирустың таралуын болдырмау мақсатын­да мемлекеттік корпорация eGov.kz порталына электронды өтінішті жіберу арқылы қашық­тан зейнетақы тағайындау мүмкіндігін қарастырды.

Өтініш беру үшін азамат электронды цифрлық қолтаңба немесе біржолғы жасырынсөз арқылы egov.kz порталына кіру керек. Содан кейін «Электрондық өтініштер» сервисін таңдап, қызметке онлайн тапсырыс беруі қажет. Содан кейін жеке ақпарат, оның ішінде электронды пошта мекенжайы, телефон нөмірі, қызмет атауы және т.б. мәліметтер толты­рылуы тиіс. Сондай-ақ құ­жат­тардың сканерленген немесе фото көшірмелерін (қа­жет тізімді 1414 бай­ла­ныс ор­та­лығынан немесе gov4c.kz веб-сайтындағы «Мем­ле­кеттік қыз­­меттер стандарттары» бөлімінен бі­луге болады), соның ішінде қызмет алу­шының жеке қолтаң­басы­мен куә­лан­дырылған өтінішті де жүктеу қажет. Жолданатын тарап бағанын­да «Азаматтарға арналған үкімет» мемлекеттік корпорациясының аймақ­тық филиалын таңдау керек.

Өтінімнің соңында ЭЦҚ-мен қол қойылуы тиіс. Сұрақ­тар туындаған жағдайда, мем­лекеттік корпорация­ның қыз­мет­керлері қызмет алушымен көрсетілген телефон нөмірі ар­қылы байланысады.

Мемлекеттік қызмет нәти­жесі қыз­мет алушының жеке кабинетінде көрсе­тіледі. Айта кету керек, БЖЗҚ-дан тө­лене­тін төлемдер мен базалық зейнет­ақы төлемдеріне өтініш композит аясында бір өтініш арқылы ұсынылады.

 

 

 

Соңғы жаңалықтар

«Барысқа» жаңа қақпашы келді

Хоккей • Бүгін, 09:18

COVID-19: Босаңсуға болмайды

Әлем • Бүгін, 08:51

Тілге құрмет – елге құрмет

Қазақстан • Бүгін, 08:48

Аймановтың муралы ашылды

Аймақтар • Бүгін, 08:41

Батырлар мен самурайлар бейнесі

Қазақстан • Бүгін, 08:40

Сөз сойыл: Әзіл-оспақ

Руханият • Бүгін, 08:34

Бір кодтың құны

Аймақтар • Бүгін, 08:28

Қалдықтан жасалған карта

Аймақтар • Бүгін, 08:27

Көмегі көп көшпелі емхана

Аймақтар • Бүгін, 08:22

Бірлігі жарасқан берекелі өңір

Қазақстан • Бүгін, 08:17

Бір теңгенің де сұрауы бар

Қазақстан • Бүгін, 08:11

Атыраудың алуан айшықты адымы

Аймақтар • Бүгін, 08:08

Алға ұмтылған Ақмола

Аймақтар • Бүгін, 08:06

Тұңғыш Президент және Түркістан

Аймақтар • Бүгін, 08:03

Ұқсас жаңалықтар