Пиреней түбегін жайлаған індеттің бұл екінші толқыны ма, әлде кейбір ошақтарда вирустың етек жаюы ма деген сауалдарға жауап таппай отырған испаниялықтар COVID-19-дың кәрі құрлықтың басқа аймақтарына қарағанда түбектегі қарқынына қатты алаңдау үстінде.
Өткен апта ішінде Испаниядағы КВИ-дің жаңадан тіркелуі 4500-ді құрап, осыған дейінгі көрсеткіштерді шаң қаптырды. Бұл санның техникалық себептерге байланысты Арагон аймағының кірмей қалғанының сыртында екенін қаперге алсақ, жағдайдың қаншалықты күрделі екені айқындала түседі.
Соңғы екі апта ішінде Испанияда 38 мың адам ауру жұқтырса, пандемия Пиренейде тіркелгелі 361 442 пациент КВИ есебіне кіріп, 617 адамның халі ауыр жағдайда көрінеді.
